Жүжигчин Г.Нарансолонго том охинтойгоо анх удаа сар шинийн монгол дээлний зураг авалтад орж олныг шуугиулж байв. Тэрбээр урлагт өөртэйгээ зүс ижил охидтой бүсгүйчүүдийн нэг нь. Үндэсний дээлээр гоёсон ээж, охин хоёрын зураг олны анхаарлыг ихэд татаж, нүдийг нь хужирлаад авсан.  Түүний том охин өдгөө БНСУ-д суралцаж байгаа юм.

Хошин урлагийн ууган хамтлагийн нэг болох “X-түц” хамтлагаас ажлын гараагаа эхэлсэн жүжигчин Г.Нарансолонго өдгөө “Эмоци” продакшнаар овоглоод 10 жил болж буй. Тэрбээр хошин урлагийн тайзны уран бүтээлээс гадна “Зүүд шиг хайр”, “Харьд одсон бүсгүйн заяа”, “Мөрөөдлийн хөлөг онгоц, “Миний хөрш чөтгөр” зэрэг дэлгэцийн олон уран бүтээлд тоглосон авьяаслаг уран бүтээлч гэдгийг фэнүүд нь андахгүй ээ.