Өнөөдөр өглөөнөөс хойш хэвлэлийн баатар болж, олон нийтийн анхаарлын төвд орсон  19 настай Г.Сарангэрэл гэх охины "Цензургүй яриа" нэвтрүүлэг шуугиан тариад байгаа билээ.

Нэг хэсэг Хууль зүйн сайд Х.Тэмүүжинтэй амрагийн холбоотой хэмээж байсан ч сайд өөрөө холбоогүй хэмээн мэдэгдсэн. Тэгвэл дээрх нэвтрүүлэгт Г.Сарангэрэл охин "бид хоёр амрагийн харьцаатай байсан. Би Тэмүүжин ахтай хоёр жил уулзаж байгаа. Анх Алтанцэцэг гэх охин танилцуулсан" гэж ярьсаныг уншигч та бүхэн мэдсэн байх.

ШШГЕГ-ын харъяа хорих 461 дүгээр ангид дөрвөн сар хоригдсон Г.Сарангэрэл өчигдөр батлан даалтад гарч ирсэнээр эл хэргийн тухай ийн олон нийтэд дэлгэлээ.

Түүний тус нэвтрүүлэгт өгсөн ярилцлага олон хүнийг гайхширалд оруулаад байгаа юм. Тэдний нэг нь Их аварга Д.Дагвадорж. Тэрбээр  өөрийн твиттер хуудаснаа “ Энэ охин их л тайван байна даа! Аль эсвэл ийм сэтгэлийн тэнхээтэй юм уу! Аль эсвэл тоглоод байна уу! Тэмка минь амьтны алаг үрийг арайч дээ найз аа!” хэмээн бор шувуу нисгэлээ.

Д.Ана