УИХ-ын дэд дарга Р.Гончигдорж "Үндэсний их баяр наадмын тухай хууль"-д нэмэлт өөрчлөлт оруулах асуудлыг санаачилан батлуулсан билээ.  Уг хуулийн дагуу далай аварга цолыг хассан. Ингэснээр даян аварга А.Сүхбат, Г.Өсөхбаяр хоёр дархан аварга цол хүртэх нь тодорхой болсон юм.

Ард түмний нэг хэсэг хуулиар цол олгож, хасч болохгүй гэж байгаа бол нөгөө хэсэг нь дархан аварга ойрын хугацаанд төрөх боломжгүй байна. Уламжлалаа дагаад өмнө байгаагүй далай аварга цолыг хасах нь зөв гэж байр сууриа илэрхийлсэн.

Мөн үндэсний бөхийн Дархан аварга Ж.Мөнхбат, Х.Баянмөнх, Д.Цэрэнтогтох, Б.Бат-Эрдэнэ, аварга О.Балжинням, Д.Сумъяабазар, С.Мөнхбат, Г.Эрхэмбаяр нар УИХ-ын энэ шийдвэрийг дэмжиж байгаа юм. Тухайлбал, Г.Өсөхбаяр, А.Сүхбат хоёр ч гэсэн төрийнхөө шийдвэрт сэтгэл хангалуун байгаагаа өмнө ярьсан.

Даян аварга А.Сүхбат “Хараахан дархан аварга цолоо авчихаагүй байна. Гэхдээ би сүүлийн жилүүдэд бэлтгэл, сургуулилтаа хаяагүй болохоор барилдахад бэлэн. Яагаад бэлтгэл, сургуулилт сайн байдаг вэ гэхээр олон шавьтайгийн маань ач. Тэд нартайгаа барилдах, биетээр мэх, техникийг үзүүлэх, хамтарсан бэлтгэл, сургуулилт хийх зэргээр байнга барилдаж л байгаа. Баяр наадмаас өмнө дархан аварга цол хүртвэл ард түмнээ хүндэтгээд төрийнхөө их наадамд барилдана" гэж мэдэгдлээ.

Даян аварга А.Сүхбатыг энэ жилийн баяр наадамд барилдаж магадгүй гэх хүлээлт бөх сонирхогчдын дунд үүссэн хүлээлт биелэлээ олох нээ.

Д.Ана