Туул голын эрэгт амарч байсан иргэдийг хоёр этгээд хутга тулган дээрэмджээ.

Тодруулбал,  энэ оны зургаадугаар сарын 07, 09-ний өдөр “Баянзүрх дүүргийн 11 дүгээр хорооны нутаг “Туул” голын эрэг дагуу амарч, зугаалж явсан иргэдийг дээрэмдлээ” гэх хоёр дуудлага мэдээлэл цагдаагийн байгууллагад бүртгэгдсэн аж. Нутаг дэвсгэр хариуцсан цагдаагийн байгууллагын алба хаагчид шуурхай эрэн сурвалжлах ажиллагааг зохион байгуулж, иргэдийн өмчлөх эрхэд халдаж, хутга буюу зэвсгийн чанартай зүйл ашиглан, эд зүйлийг хууль бусаар авсан байж болзошгүй 22-24 насны 2 этгээдийг олж, тогтоон мөрдөн шалгах ажиллагааг явуулж байна.

Иймд иргэд та бүхэн аялал зугаалгаар явахдаа хувийн аюулгүй байдлаа хангаж, учирч болзошгүй аливаа эрсдэлээс сэргийлнэ үү.