Монгол Улсын гавьяат хуульч, "СИТИ" дээд сургуулийн Удирдах зөвлөлийн анхны дарга асан Дашдоржийн Дэмбэрэлцэрэнгийн үүсгэн байгуулсан “Дэмбэрэлцэрэн сан”-гаас тэтгэлэг зарлалаа.

Тодруулбал, "СИТИ" дээд сургууль болон БНСУ-ын нэр хүндтэй СеоКеон их сургуулийн хамтран хэрэгжүүлж байгаа хөтөлбөрүүдийн хүрээнд дараах ангиудад тэтгэлгийг олгох юм байна.

Үүнд:

1.     Компьютерийн график дизайны ангид 1;

2.     Хувцас дизайны ангид 1.

Тэтгэлгийн хэмжээ нь тус бүр 3,0 сая төгрөг бөгөөд зөвхөн шаардлагыг хангасан иргэний материалыг 2014 оны Есдүгээр сарын 25-ны өдрийг хүртэл Даваа гарагаас Баасан гарагийн 11.00-17.00 цагийн хооронд "CИТИ" дээд сургуулийн 406 тоот өрөөнд хүлээн авна.

Тавигдах шаардлага: 

- Монгол Улсын иргэн байх;

- 22-оос доош настай байх;

- Элсэлтийн ерөнхий шалгалтанд 600-гаас доошгүй оноо авсан байх;

-Тухайн мэргэжлээр суралцах чин хүсэлтэй байх /энэ тухай дор дурдсан эссэд бичнэ/;

-Өөрийн амьдралын зорилго, мөрөөдлийн талаар эссэ бичсэн байх /А4 хэмжээстэй цаасан дээр, үсгийн фонт Ариал, үсгийн хэмжээс 12, мөр хоорондын зай 1.5 байна, 4 хуудсаас ихгүй/;

Хамтарсан хөтөлбөрийн талаар www.facebook.com/citiinstitute хаягаар болон “СИТИ” дээд сургуулийн 88119776, 99304515, 88666006, 354254 дугаарын утсаар холбогдож мэдээлэл авах боломжтой.