Сүүлийн саруудад хулгай дээрмийн хэрэг ихээр гарах болсон. Халаасны хулгайн хэрэг нийтий тээврийн том оврын автобусанд их гарч байгаа нь иргэдэд хохирол учруулаад буй.

Ажил хичээл сургуульдаа яарсан иргэд автобусанд чихэлдэн явах тэр үед урт гартнууд үндсэн ажлаа хийж байгаа юм. Хамгийн харамсалтай зүйл бол халаасны хулгайчдын тоо олширохын зэрэгцээ нас нь залуужсаар байгаа нь тун эмгэнэлтэй.

   Улс орныхоо ирээдүй гэгдэх өсвөр насныхан өнөөдөр хэнд ч хэрэггүй нэгэн болж өсч байна. Тэд халаасны хулгай хийхийг өөрт нь хэрэгтэй зөв зүйл хэмээн ойлгодог бололтой.  Хуулийн хариуцлага хүлээх, ял шийтгэл авах тухай огт бодохгүй байгаа бөгөөд тэднийг өөхшүүлж толгойг нь илэх зүйлс олон байна. Өсвөр насны хөвгүүд нь хулгай хийж, охид нь биеэ үнэлж байгаа энэ явдлыг таслан зогсоох шаардлага зайлшгүй бий болоод байгаа билээ.

   Өнөөдөр нийгэм ядуу байгаа нь ийн гэмт хэргийн тоо өсөх шалтгаан болж буй. Мөн залуус залхуу болсныг харуулж байгаа бөгөөд бэлэнчлэх сэтгэлгээ хуулийг уландаа гишгэх нь ихэсчээ. Бид нийтийн тээврийн хэрэгслээр зорчих, олон нийтийн хөл хөдөлгөөн ихтэй зах, худалдааны төвөөр явахдаа хичээгээд хичээгээд л эд зүйлсээ халаасны хулгайчид алдчих тохиолдол буурахгүй байна. Энэ төрлийн гэмт хэрэг хийсэн этгээдүүд бүлэглэн бие биедээ дамжуулах, бусдын анхаарлыг сарниулах улмаар танхайрч дээрэмдэх тохиолдол ч бас цөөнгүй гарсаар байгаа юм.

   Нийслэлийн цагдаагийн газрын хулгайн гэмт хэрэгтэй тэмцэх хэлтсийн алба хаагч нар энэ төрлийн гэмт хэрэг үйлддэг хэд хэдэн этгээдүүдийг илрүүлэн шалгаж байгаа юм байна. Нийтийн тээврийн хэрэгслээр зорчиж байхдаа иргэд их хэмжээний мөнгө биедээ авч явж байгаа ч анхаарал сонор сэрэмжгүй байдлаасаа болоод нөгөө алдсан хүний арван тамыг эдлэх нь гачлантай. Миний иргэний үнэмлэх, сургалтын төлбөр тушаасан баримт, жолооны үнэмлэх 200,0 төгрөг маань байсан. Бараг л энүүхэнд байсан та аваагүй биз байцаагчаа гэх нь холгүй халаглан өргөдөл гомдол бичиж суух иргэд өдрөөс өдөрт нэмэгдсээр байна. Автобусанд ороод харвал "ХАЛААСНЫ ХУЛГАЙЧААС БОЛГООМЖИЛ" гэсэн бичгийг анзаарч ер хардаггүй бололтой.

  Өндөр үнэтэй гар утсаа хулгайчид алдах тохиолдол буурахгүй байна. Өдөр тутмын гол хэрэглээ болсон гар утсаа хэрэглэхээ мэдэж байгаа шигээ халаасны хулгайчаас хамгаалах тухай ч бас бодолтой явахгүй бол алдсан хүн арван тамтай гэгч болох юм. Гэхдээ анхаарал болгоомжтой байсан ч гэсэн хулгайд юмаа алдах нь бий. Хулгайч гэдэг бол хулгайч байдаг. Хүний сиймхийг огт андахгүй, өөр зүг харж өрөөлийн зүйлсийг хулгайлах нь тэдний гаршсан ажил.

  Халаасны хулгайчдын тоо олширч нас нь залуужиж байгаа. Энэ бол эцэг эхийн хараа хяналт муу байгаагын илрэл. Хүүхэддээ тавих анхаарал нь суларсанаар ийнхүү буруу замаар будаа тээж байгаа. Хүүхдээ өдөр бүр хаагуур юу хийж байгаа талаар асууж мэдэх хэрэгтэй. Хүүхэдттэйгээ ярилцаж байх нь сайн үр дүнд хүргэнэ. Мөн орой үдшийн цагаар тэнүүчлэхийг нь болиулахгүй бол биеэ үнэлэлт ч мөн нас нь залуужсаар байгаа. Фейсбүүк ашиглах болсоноос хойш өсвөр насныхан үүнийг буруу зүйлд ашиглах болсон. 

    Үүнд хязгаарлалт хийх ба хянал тавих хэрэгтэй. Хэн дуртай нь садар самуунтай холбоотой мэдээ мэдээллийг олон нийтэд нийтэлж байгаа бөгөөд фейсбүүк ашиглах буй насанд хүрээгүй хүүхдүүдийн сэтгэхүйд буруу зүйл суулгаж байгаа юм. Мөн өмнө нь аргагүйн эрхэнд гадаа гудамжинд хонохгүйн тулд траншейнд хонодог насанд хүрээгүй охид цөөнгүй байдаг нь тогтоогдсон. Тэдгээр охидыг эмчийн үзлэг шинжилгээнд хамруулахад бүгд бэлгийн замын халдварт өвчтэй байжээ. Мөн эрт жирэмсэн болж оюун ухааны дутуу хөгжилтэй хүүхэд төрүүлсэн хэд хэдэн тохиолдол илэрсэн аж.

  Тэднийг дарамталж хүчээр хэрэглэн, дур зоргоороо аашилж байсан тэнэмэл залууст өнөөдрийг хүртэл хариуцлага тооцоогүй байгаа. Энэ мэтчилэн гэмт хэргүүд гарсаар байгаа билээ. Нийгэм замбараагүй байдалд байгаа нь үүнээс харагдаж байна. мөн гаж донтой этгээдүүд компьютерийн ард сууна, харин өсвөр насны хүүхэн болохын хүслэн болсон охид нүцгэн зургаа өөрийнхөө цахим хуудсанд оруулна. Ийн охид дээрх гаж донтонуудын хараанд өртөж гэмт хэргийн золиос болох болжээ.