АН-ынхан нийлж зас­гаа зад татсанаас хойш Монголын улс төр хөл толгойгоо олохгүй бужигнаж, Төрийн ордон эл хуль, Их хурлын чуулганы танхим хоосон  байна. Монгол Улс “Эзэнгүй айл” шиг байх боллоо.

Бидний яриад удсан хямрал маань бодитоор нүүрлэлээ. Олон нийтийн зүгээс одоо хэн, ямар нам улс орноо авч явж, уначихаад байгаа эдийн засгаа өндийлгөж сэргээх вэ гэсэн хүлээлт байна. Харамсалтай нь  тийм улс төрийн хүчин алга. Өөд нь дээш нь байлгахын төлөө үгээ хэлж байдаг сөрөг хүчин  бас алга. Бидний итгээд, сонгоод байсан улстөрийн намууд огт

төлөвшөөгүй, улс­төрчид нь баг зүүсэн эт­гээдүүд гэдгээ сая хан­галт­тай харуулчихлаа.

Монгол Улсыг 90 жил авч явсан гэдэг МАН ч тэр, ардчилсан хувьсгал хийсэн гэлцдэг АН ч, түүгээр овоглодог  ал­тан хараацайнууд нь ч тэр. Шударга ёсыг тун­хаг­­ласан “Шударга ёс” бүл­гийнхэн ч арчаагүй бай­лаа. Монголын улс төр  үнд­сэндээ ард түмний эрх ашгийг уландаа гишгэж,  ал­дар нэр, эрх мэдэл,   сан­дал ширээ мөрөөдсөн, түүний төлөө нам дамжсан  наймаачид-урвагчдаар дүүрчээ. Өнөөдөр үн­дэс­­­ний эрх ашгийг дээ­дэл­дэг, эх оронч үзэл, эв нэгдлийн төлөө дуу хоолойгоо нэгтгэх, тийм хүмүүс үгүйлэгдэх болов. Гэхдээ МАН-ынхан МАНАН-г мөрөөдөж, АН ардчиллын үнэт зүйл­сээ уландаа гишгэж, “Шударга ёс” бүлэгт шударга бусчууд байгаа  цагт тийм боломжгүй. Бас наашаа харж эв нэгдэл ярьдаг, цаашаа харж хөрөнгө мөнгөнд шунаж элдэв наймаа хийдэг ур­вагч­­даас салаагүй цагт төр тогтвортой байж чадахгүй. Тэгэхээр  улс төрийг, улс­төрийн намуудыг цэвэр­лэх ёстой юм биш үү. Урвагчийн  хөөх бол юу ч биш, Чингис хаан хулгайчийн хурууг тай­рахыг “Их засаг”-таа хуульчилж, Цогт тайж ур­вагч хүүгийнхээ толгойг тасалж авчрахыг тушааж, тийм­дээ өнөөдрийг  хүр­тэл явж ирсэн Монгол биш билүү, бид чинь. Гэ­тэл өнөөдөр улс орны тө­лөө гэж баг зүүсэн улс­төрийн намууд, урвагч­даар  дүүрч, төр эзгүйрлээ. Улс төрийн энэ хямрал өнөөдөр улс орноо, үндэсний эрх ашгаа, ард түмнээ боддог нам байхгүйг харуулж байна.

Ч.ЗОТОЛ

 "Зууны мэдээ" сонин