Монголын нэг хэсэг нь туйлдаа хүртэл баяжиж байхад нөгөө хэсэг нь туйлдаа хүртэл ядуурч байна.  Шар өдөр бор хоногоо арайн ядан залгуулж, зарим нь бүр уснаас өөр уух зүйлгүйгүйгээр амьдарч байна.  Энэ бол Монголын өнөөгийн нийгмийн нэгэн төрх.

Баянзүрх дүүргийн Улиастай 23 дугаар хороонд 3 хүүхэдтэй эмээ Монгол зон олноосоо тусламж гуйсан юм. Энэ талаар анх олон нийтийн сүлжээгээр сайхан сэтгэлт хүмүүс мэдээлснээр олны анхааралд хүрэв. Гэтэл хорооных нь нэгэн эмээ ядуу тарчиг амьдралаасаа болоод бусдаас тусламж хүсч, нэг хүүхдээ хүртэл өргүүлэх хүртлээ хэцүүхэн амьдарч байгааг яагаад  төрийн захиргааны анхан шатны байгууллага болох хороо нь мөн нийгмийн ажилтнууд нь анхаарч үзсэнгүй вэ. Мэдсэнгүй вэ.

Хэрэв сайхан сэтгэлт залуус энэ айлыг анхааран олны сонорт хүргээгүй байсан бол бяцхан хүүхдүүдэд юу тохиолдох байсан бэ.

------------------------------------------------------------------------------------------------------------------------------

“Энэ эмээ 4 сартай нярай, 1 ой 9 сартай бас нэг балчир, 12 настай охини гээд нийт 3 ачийнхаа хамт амьдарч байна. Учир нт хоёр нялх хүүхдийн ээж н.Батнаран гэрээсээ гараад олон хоног чимээ сураггүй алга болсон байна. Түүнийг хайха гэхээр ямар ч бичиг баримтгүй гэнэ. Эмээ дээр байгаа хүүхдүүд ч мөн бичиг баримт байхгүй. бичиг баримтгүйн улмаас төрийн халамж үйлчилгээнд хамрагдаж чаддаггүй нялхас хэдэн өдөр буцалсан усаар гол зогоосон байдалтай байсан аж.

Бяцхан үрсийн аав авто ослоор нас барсан гэнэ.  Төрөл садан нь байдаг ч ялгаагүй амьдралын хүнд нөхцөлтэй, тэдэнд илүүчилж чаддаггүй ажээ. Иймээс эмээ ядаж, 4 сартай хүүхдээ сайхан сэтгэлт хүнд үрчлүүлчихмээр хэмээн ярьж байжээ.

Гэхдээ нэгэн таатай мэдээг дуулгахад 4 сартай хүүхлийг нь хүн үрчилж авахаар болсон гэнэ. Мөн олон сайхан сэтгэт монголлчууд тэдний төлөө тусламжийн гараа сунгаад эхэлжээ.

Та бүхэн тус айлын талаар дэлгэрэнгүй мэдээлэл авах болон буяны халуун сэтгэл төрвөл 99636824, 99922782 утсаар холбогдоорой.