Малчид, ард иргэдийн анхааралд:
Ойрын өдрүүдэд ихэнх нутгаар салхи шуургатай байх тул гал түймрийн аюулаас сэрэмжтэй байхыг анхааруулж байна.

2015 оны 04 дүгээр сарын 26-ны 09 цагаас 21 цаг хүртэлх цаг
агаарын урьдчилсан мэдээ:

    Ихэнх нутгаар үүлшинэ. Төвийн нутгийн зарим газраар болон зүүн зүгийн нутгийн баруун хэсгээр хур тунадас орно. Бусад нутгаар хур тунадас орохгүй. Салхи төв болон зүүн зүгийн нутгаар баруун хойноос, бусад нутгаар баруунаас секундэд 5-10 метр, зарим газраар секундэд 12-14 метр хүрч шороон шуурга шуурна. Алтай, Хангай, Хөсгөлийн уулархаг нутаг, Идэр, Тэсийн голын сав газраар 15-20 градус, Хар ус нуур, Алтайн өвөр говь, Дорнод Монгол, Дарьгангын тал болон говийн бүсийн өмнөд хэсгээр 24-29 градус, бусад нутгаар бага зэрэг сэрүүсч 19-24 градус дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи баруун хойноос секундэд 5-10 метр, зарим үед секундэд 12-14 метр хүрч шороон шуурга шуурна. Бага зэрэг сэрүүсч 19-21 градус дулаан байна.

Өглөө 06 цагт Улаанбаатарт: 8 градус дулаан, харьцангуй чийг 31 хувь, агаарын даралт 861 гектопаскаль байлаа. Даралт өдөртөө тогтортой байна.