Нийгмийн халамжийн сангийн зарлага орлогоосоо давжээ
2015/08/15
Үндэсний статистикийн хорооноос Монгол Улсын энэ оны эхний долоон сарын нийгэм эдийн засгийн үзүүлэлтүүдийг гаргажээ. Нийгмийн үзүүлэлтийн хувьд бүртгэлтэй ажилгүй иргэд энэ оны долдугаар сарын эцсээр 31.1 мянга болж, өмнөх сарынхаасаа 1.7 мянган хүн буюу 5.1 хувиар, оны эхнийхээс 5.9 мянган хүн буюу 16 хувиар, өмнөх оны мөн үеийнхээс 3.6 мянган хүн буюу 10.4 хувиар буурсан байна. Ажиллах хүчний энэ оны хоёрдугаар улирлын судалгааны дүнгээр улсын хэмжээнд 15-аас дээш насны эдийн засгийн идэвхитэй хүн ам1242.6 мянга байгаа юм. Үүний658.2 мянга буюу53 хувь нь эрэгтэй 584.4 мянга буюу 47 хувийг эмэгтэйчүүд эзэлжээ. Харин улсын хэмжээнд ажилгүй иргэд 97.3 мянга байгаагийн 58.2 мянга буюу59.8 хувь нь эрэгтэйчүүд 39.1 мянга буюу40.2 хувь нь эмэгтэйчүүд байна. Ажилгүйдлийн түвшин7.8 хувь болж өмнөх оны мөн үеийнхээс 0.6 пунктээр буурчээ. Өрхийн нийгэм, эдийн засгийн энэ оны хоёрдугаар улирлын судалгаагаар өрхийн сарын дундаж орлого 975.7 мянган төгрөг болж өмнөх оны мөн үеийнхээс51.6 мянган төгрөг буюу5.6 хувиар нэмэгдсэн ч зарлага нь 979.2 мянган төгрөг болж 6.4 хувиар өссөн байна. Нийгмийн даатгалын сангийн орлого энэ оны эхний долоон сард 766.9 тэрбум төгрөг, зарлага 895.7 тэрбум төгрөг болж өмнөх оны мөн үеийнхээс орлого15.8 тэрбум төгрөг буюу2.1 хувь, зарлага 161.4 тэрбум төгрөг буюу22 хувиар өслөө. Харин зөвхөн өнгөрсөн сарын орлого80.9 тэрбум төгрөг, зарлага 117.5 тэрбум төгрөг болж өмнөх сарынхаасаа орлого 66.2 тэрбум төгрөг буюу 45 хувь, зарлага 29.2 тэрбум төгрөг буюу 19.9 хувиар буурчээ. Нийгмийн халамжийн сангаас 192.6 мянган хүнд 85.8 тэрбум төгрөгийн тэтгэвэр, тэтгэмж олгож өмнөх оны мөн үеийнхээс нийгмийн халамжийн тэтгэвэр, тэтгэмж авагчид нь1.5 мянган хүн буюу 0.8 хувь, олгосон тэтгэвэр тэтгэмжийн хэмжээ 5.4 тэрбум төгрөг буюу 6.7 хувиар өсчээ. Харин өнгөрсөн сард нийгмийн халамжийн тэтгэвэр тэтгэмжид 12 тэрбум төгрөг олгосон нь өмнөх сарынхаасаа1.6 тэрбум төгрөг буюу 12.1 хувь, харин нийгмийн халамжийн үйлчилгээ болон хөнгөлөлтөд 4.1 тэрбум төгрөг олгосон нь өмнөх сарынхаас 0.3 тэрбум төгрөг буюу 7 хувиар буурчээ. “Хүний хөгжил” сангаас энэ оны эхний7 сард18 хүртэлх насны 1014.9 мянган хүүхдэд 142.8 тэрбум төгрөгийг хүүхдийн мөнгөнд олгожээ.
М.Төрчимэг
Зочин · 2015/08/15
за да АН юу хийж байгааг харж байгаа биздээ одоо
Зочин · 2015/08/15
100 ЖИЛИЙН туршлагатай гээд байгаа МАН дээрх хугацаандаа ямар ч гэмгүй 3 түмэн Монгол хүний толгой залгисан, Монголчуудыг Монгол бичгээ мэдэхгүй, хэл яриандаа Хятад үг их хэрэглэдэг Хятадын эрлийзүүд болгож, хүүхэд багачуудийг нь хоол ундгүй цаг наргүй ажлуулж бүх мал хөрөнгийг дээрэмдэж аваад Оросын угжнаас 1988 онд гэнэт салгаж 1990 онд амаар нь шороо үмхүүлсэн.Монголчууд Ардчиллын буянаар /Е/ паспорттай, хувийн орон сууцтай, малтай, машинтай,газартай Монгол улс 1990 оноос өмнөхтэй харьцуулшгүй өнгөтэй өөдтэй, гял цал болж аврагдсан. Бид далдыг харж чадахгүйгээс хойш УИХ-д хүнээс өөр амьтан сонгохгүйгээс хойш өөрсдийгөө сайн гэж худал ярьж байгаа бие даагчид, бусад хүмүүс биш, өөрсдийгөө 100-гаад жил сайн гэж худал хэлж Монгол улсыг амаар нь шороо үмхүүлсэн цуст алуурчин МАН биш, зөвхөн дарга нарын идсэн уусан хулгай луйврыг сонгуульд ялж байж хэргийг нь хүлээлгэж шоронд нь оруулж чадсан АН л өөд нь татна. ШҮХөдөлгөөн 88583399