Монгол Улсын Засгийн газраас "Монгол Улсын 2016 оны төсвийн тухай хууль”-ийн төслийг боловсруулан Монгол Улсын Их Хуралд өргөн барьсан төсөлд "шүүгчдийн цалингийн санг 35 хувиар тус тус бууруулахаар тооцож, Шүүгчийн эрх зүйн байдлын тухай хуулийн 23 дугаар зүйлийн 23.5-д "Шүүхийн төсвийг батлахдаа шүүгчийн цалин хөлсний бүрэлдэхүүн, хэмжээг бууруулж болохгүй” гэсэн заалтыг хүчингүй болгох хуулийн төслийг зэрэгцүүлэн өргөн барьсан байна.Тодруулбал Засгийн газраас анхан болон давж заалдах шатны шүүхийн 2016 оны төсвийн урсгал төсвийг 41.9 тэрбум төгрөг, хөрөнгийн зардлыг тэг төгрөг байхаар хянаж, Улсын Их Хуралд өргөн мэдүүлсэн байна. Үүнд:

Шүүхийн ерөнхий зөвлөлийн өргөн мэдүүлсэн төсвөөс цалингийн сан 12.2 тэрбум төгрөг, тогтмол зардал 263.0 сая төгрөг, хангамж бараа материалын зардал 799.3 сая төгрөг, эд хогшил урсгал засварын зардал 4,834.2 сая төгрөг, албан томилолтын зардал 561.0 сая төгрөг, бусдаар гүйцэтгүүлсэн ажил үйлчилгээний төлбөр 584.0 сая төгрөг, бараа үйлчилгээний бусад зардал 842.8 сая төгрөг, бусад урсгал шилжүүлэг 4,437.1 сая төгрөгөөр тус тус хасагдсан байна.

Түүнчлэн Засгийн газраас шүүгчдийн цалингийн санг 30 хувиар бууруулж төсвийн төсөлд тооцох зорилгоор Монгол Улсын 2016 оны төсвийн тухай хуулийн төслийн хамтдараах хууль тогтоомжийн төслийг өргөн барьсан байна.

Энэ нь "шүүхийн бие даасан, шүүгчийн хараат бус” байдалд ноцтой сөрөг нөлөө үзүүлнэ гэж үзсэн тул энэхүү тулгамдсан асуудлаар "Монголын шүүгчдийн холбоо" ТББ Олон улсын шүүгчдийн холбоонд | International Association of Judges http://www.iaj-uim.org | ханджээ.

Шүүгчдийн цалинг бууруулж байгааг Монголын хуульч эмэгтэйчүүдийн холбоо, Монголын шүүгчдийн холбоо, Монголын хуульчдын холбоо тус тус эсэргүүцээд байгаа.