"Хурд групп"-ынхан олон хүний алтан амь тасаллаа
2015/11/18
УИХ-ын гишүүн Б.Чожилсүрэнгийн “Хурд групп” ХХК-нь удаа дараа хариуцлага алдаж, олон хүний алтан аминд хүрлээ. Хамгийн сүүлд болсон зарим ослыг эргэн сануулахад:
"Рапид харш” орон сууцны хороолол баригдаж байх үед 26-хан настай залуу осолдсон аймшигт хэрэг гарсан. Тодруулбал уг барилгын арваннэгдүгээр давхарт ажиллаж байсан краны цамхаг нурснаар, краныг жолоодогч залуу хорвоог орхисон юм. Осол гарахад хүргэсэн шалтгааныг тухайн үед хяналтын инженер, оосорлогч, дохиочин зэрэг ажилчдыг ажлаас халсантай холбоотой гэж дүгнэсэн юм билээ. Учир нь хяналтын инженер, оосорлогч, дохиочин байсан бол кранчин залууд ослоос урьдчилан сэргийлэх мэдээлэл өгч, тэр амьд гарах боломжтой байсан гэдэг. Тэгэхээр тэд орон тоо цомхотгож, илүү их ашиг олохын төлөө шийдвэр гаргаж байгаад, хүний аминд хүрсэн байгаа юм. Талийгаач цамхаг нурахад эхний цохилтоор кранаасаа зүүгдэж байсан ч хоёрдох цохилтод гараа алдаж унасан тухай ослыг харсан ажилчид ярьдаг юм билээ.
Мөн л “Хурд”-ын барилга болох “Нарны хороолол” баригдаж байх үед буюу 2013 оны тавдугаар сард барилгын талбайд дамнуургаар цемент зөөж явсан 40 настай эрийн дээрээс төмөр унасан байдаг. Тодруулбал есөн давхарт өргөж байсан кранаас 20 гаруй кг жинтэй хүнд төмөр, гадаа ажиллаж байсан хүний тархин дээр унаж, толгойг нь зад татсан учир газар дээрээ нас барсан. Энэ осол мөн л аюулгүй ажиллагааны дүрэм мөрдүүлээгүйгээс, буюу өөрөөр хэлбэл хяналтын инженер гэдэг орон тоо байхгүйн улмаас үүдэн гарсан гэдийг хууль хяналтын байгууллагын албан тушаалтнууд хэлж байлаа.
Ингээд зогсохгүй түүний дараа жил буюу өнгөрсөн 2014 оны дөрөвдүгээр сард бас л “Хүннү” хорооллын барилгаас хүн унаж, нас барсан хэрэг гарсан. Уг барилгын ажилчин залуу тухайн үед таван давхарт ажиллаж байсан бөгөөд түүний хамгаалалтын бэхэлгээ нь тасарснаас доош унан амиа алдсан. Мөн түргэн тусламжийг цаг алдаж, дуудсаны улмаас түргэний машин осол болсноос хойш хоёр цаг гаруйн дараа очсон байдаг. Талийгаач 1989 онд төрсөн 25 настай, эхнэр хоёр хүүхэдтэйгээ амьдардаг залуу байжээ.
Дээрх ослоос хэдхэн сарын дараа буюу 2014 оны 10 дугаар сард “Хүннү” хорооллын барилга дээр ажиллаж байсан 51 настай эрэгтэй цахилгаан шатны хонгил руу унаж, амиа алдсан хэрэг гарсан. Тэрээр тухайн үед барилгын цэвэрлэгээний ажил хийж байсан юм билээ.
Гэтэл энэ байдал дахин давтагдлаа. Тодруулбал 2015 оны 11 сарын 17-нд буюу өчигдөр “Хан-Уул дүүргийн 15-р хороонд байрлах “Хурд” хорооллын барилгын гурван давхараас хүн уначихлаа” гэсэн мэдээлэл цагдаагийн байгууллагад иржээ. Уг мэдээллийн дагуу холбогдох албаны хүмүүс шалгахад тус барилгын гуравдугаар давхарт ажиллаж байсан туслах ажилтан унаж амь насаа алдсан байж. Тэрбээр тухайн үед мөн л цэвэрлэгээний ажил хийж байсан юм байна. Талийгаач Налайх дүүргийн оршин суугч бөгөөд 53 настай байсан аж. Уг хэргийг Хан-Уул дүүргийн цагдаагийн нэгдүгээр хэлтэст Эрүүгийн хэрэг үүсгэн шалгаж байгаа юм байна. “Хурд групп”-ынхан ажилчдын аюулгүй байдлыг хангаагүйн хүний алтан аминд хүрсээр байна. Хүний амийг төлөх зүйл гэж байхгүй. Тэгэхээр хууль хяналтынхан “Хурд групп”-д ямар хариуцлага тооцож, эл байдлыг хэрхэн таслан зогсоох гэж байна вэ.
Н.Ганаа
Lhagvaa · 2015/11/19
хурд угаасаа хариуцлага хүлээх ёстой. зарим нэгэн хүн захиалагч учир хамаагүй гээд байна. Ямар ч барилга дээр захиалагчийн хяналтын инженер барилгын талбайд байдаг шдэ.
eeeeee · 2015/11/18
Setgegdel bichij baigaa maluud bugd dorvoduud
Зочин · 2015/11/18
Xurd ooroo ajil xiideg gej bodoj bgaa ym baixdaa xurd zaxialan tuslan gvitsetgegch ajiliig xiideg ymaa
би · 2015/11/18
Цэвэр Хурд группын буруу .ямар ч тохиолдолд хуний амь ш дэ.энэ еерее эдгээр сэтгэгдлийг бичээд бгаа юмуу. тэр хеделмер хамгаалал энэ тэр бол енгерсен ш д энэд.
Зочин · 2015/11/18
ene yamar sonin site ve? shuud hunii ner turd ingej haldaj boloh uu?ene hun tulheed unagaatsiin bn l daa. dund ni ajil hudulmur hiigeed hooltoi undtai ajiltai tsalintai yavaad bgaa uchnuun hun bgaa shde. ene hun harin ch mash buyantai hun shuu. mash olon Mongol zaluusiig ajil, hudulmur hiilgej surgasan amidraliin amtiig oilguulj chadsan hudulmur ch buteelch hun gej oilgodog shuu
zochin · 2015/11/18
huvi hun uuriin sanamsar bolgoomjgui, henegguigees bolj unaj uhej bgaag yagad yridagguim bee ayulguin bus zuuhed 1 sekund l heregtei het neg taliig barij yrij bolohgui
Зочин · 2015/11/18
ЗАЙСАНГИЙН ГҮҮРНИЙ НААД ТАЛЫН БАРИЛГЫГ БАРЬЖ БАЙХАД НЭГ ХҮН НАС БАРСАН ЭНЭ 5 ДАХЬ НЬ БОЛЖ БАЙГАА ЮМ БАЙНА
Зочин · 2015/11/18
Uls turjuud baih yum algoo minii bodloor.Hurd gedeg group buruutai yum baina.Hurd geltgui hudulmuriin ayulgui baidliig sahih heregtei baiguullaga bur.Buruu hiivel tootsoo hiideg tiim niigem heregtei bn
Зочин · 2015/11/18
Сонгууль дөхөөд лаларууд минь эсрэг ПР аа хийж эхэлж байна уу. Зайлцгаа. Эрдэнэ сайд чинь өөрийн гараар 2 хүн алсан, Элбэгдорж чинь ч бас за