Хөдөлмөрийн Үндэсний нам өчигдөр ээлжит бус их хурлаа хийлээ. Их хуралд 21 аймаг, есөн дүүргийн намын анхан шатны хороодын дарга, тэргүүлэгч, гишүүд болох 342 төлөөлөгч оролцож, цаг үеийн асуудлаар илтгэл тавьж, санал солилцож цаашид ажиллах чиг үүргээ тодорхой болгов. Мөн ирэх сонгуульд хэрхэн оролцох болон намын дүрмийн асуудылыг хэлэлцсэн байна. Энэ үеэрнамын дарга С.Боргил өөрийн хүсэлтээр ажлаа өгснөөр УИХ-ын гишүүн С.Ганбаатар гишүүн халааг нь авчээ.

Мөн УИХ-ын гишүүн Г.Уянгыг ХҮН-д элсэхээр өргөдлөө өгсөн талаар зарим эх сурвалжууд мэдээлж эхэллээ. Хэрвээ уг мэдээлэл баталгаажвал ХҮН-ынхан УИХ-д хоёр төлөөлөлтэй болно гэсэн үг юм.

С.Ганбаатар гишүүний хувьд өнгөрсөн сарын 29-нд тус намд албан ёсоор батлахаа авсан юм. Түүнийг ХҮН-д элссэний дараагаас намын дарга болно гэсэн яриа гарч өчигдөр ийнхүү баталгаажлаа. Ер нь С.Ганбаатарыг ХҮН-д оролцоотой, анхнаасаа үүсгэн байгуулж, үйл ажиллагааг нь чиглүүлж байсан гэдэг. Түүнийг ХҮН-д элссэнээ албан ёсоор мэдээлж байхад “С.Ганбаатар ХҮН-д биш ХҮН С.Ганбаатарт элслээ” гэж ярьж, бичиж байлаа. Ямартай ч олны цуу яриаг баталж С.Ганбаатар өөрийнхөө үүсгэн байгуулсан намын дарга нь боллоо. Харин С.Боргил намын дэд дарга болох аж.

 

Мөн УИХ-ын гишүүн Г.Уянгыг ХҮН-д элсэхээр өргөдлөө өгсөн талаар зарим эх сурвалжууд мэдээлж эхэллээ. Хэрвээ уг мэдээлэл баталгаажвал ХҮН-ынхан УИХ-д хоёр төлөөлөлтэй болно гэсэн үг юм.

 

Уг нь УИХ-ын гишүүн Г.Уянга “Би өөрийгөө ХҮН-д элсэнэ гэж бодохгүй байна. Учир нь тус намынхан Оюутолгой, Тавантолгой гэх мэт улс орны эдийн засагт чухал нөлөө үзүүлэх орд газруудын талаар төдийлөн хүчтэй дуугарч чаддаггүй гэж би боддог. Уг асуудлууд дээр санал нийлэхгүй юм шиг санагддаг” гэсэн утга бүхий зүйлийг ярьж байсан.

Тэгвэл тэрбээр ярьснаасаа ухарч ямартай ч тус нам элсэж магадгүй болжээ. Хэрвээ ХҮН Г.Уянга гишүүнийг элсүүлбэл ирэх сонгуульд амжилттай оролцох дүр, зураг харагдаж байгаа хэмээн улс төрийн хүрээнийхэн ярьж байгаа юм.

 

Тус намын хурал өнөөдөр үргэлжилнэ.

Т.Энхэлээ

http://www.24tsag.mn