Ц.Нямдоржийн гэрээр Женко сэм зочилжээ
2016/04/05
Улстөрийн халуун тогоон дотор орох байх газраа олж ядан үсчихээс наагуур хүндхэн байдалд байгаа "Женко” өнгөрсөн амралтын өдрөөр УИХ-ын гишүүн Ц.Нямдоржийн гэрээр очиж, нууцхан уулзалт хийсэн сурагтай. Ордноос гадуур, олны нүднээс далдуур болсон тэдний уулзалт улс төрд чухам юу зөгнөнө вэ. Саяхныг хүртэл өстөн дайсан мэт явсан энэ хоёр улстөрч хэдийдээ нөхөр болсныг, одоо чухам юун дээр нэгдэж байгааг сонирхохгүй орхих "тэнэг” ховор биз.
Хамтарсан Засгийн газарт нэг танхимд байхын л таарамж муутай тэд шүүх дээр уулзаж, нэг нь нөгөөгөөсөө уучлалт гуйх "арга хэмжээ” авхуулж ч байлаа. Ажил хийх гэтэл Ц.Нямдорж садаа боллоо гэж Х.Баттулга нь гомдоллож, хариуд нь хэзээний шазруун зангаараа Ц.Нямдорж төмөр замын асуудлаар түмэн булайг нь тоочиж явсан үе бий. Эцэст нь Ц.Нямдорж "Баттулга аа, чамайг засгаас зайлж байгаад чинь баяр хүргэе” хэмээн элэглэж, "удахгүй үнэн нүүр чинь танигдана аа” хэмээн УИХ-ын чуулганы хуралдаан дээр хүртэл улалзуулж байсан.
Харин "үнэн нүүр” нь танигдаж, орох байх газаргүй, намаасаа шахагдахдаа хүрч яваа өнөөх Тулгатайгаа "үнэнч шударга” Ц.Нямдорж өдгөө сэм сүжрэх болсны учир юу юм бол доо. Женко чухам юу сэдчихээд сөрөг намын "өстөн” Ц.Нямдоржтой сэм уулзав гэдэг сонирхолтой. Улс төрөөс тийм ч амархан гараа өргөөд гараад явчихгүй "шийр заахаар” шийдсэн Женко, Нямдоржтой нөхөрлөх болсны цаад шалтгаан нь юу ч байж мэдэх ч тэдний нөхөрлөл Ардчилсан намд л лав сайныг авчрахгүй болов уу.
Л.Бат
Эх сурвалж: Тоншуул.мн
Зочин · 2016/04/06
Энэ нямдорж хүний гараар могой бариулах нь
Зочин · 2016/04/06
Хамаг муу муухай идсэн уусаныг нь Нямдорж мэддэг болохоор Баттулга тэр бүхнээ ил гаргуулахгүйн төлөө юу ч хийхээс буцахгүй ичэхгүй болжээ. Ямар юмных нь эх оронч байхав дээ. Улсын хөрөнгийг хулгайлж баяжсаныг нь монголын ард түмэн мэднэ ш тээ.
Зочин · 2016/04/05
nyamdorjiin iher haus, ene yamar munguur butsen bol, uuniig yag unen munuur ni togtooh yumsan, bas neg horigdliin sunstei hamt amidarch bga geseen. 1 hun ingej bayjihaar chin uls ornii ediin zasag suirch, sanhuu mungu hobor bolj blgui yahab dee, shunal ni shuudai bolj neg negnee ilchilsen hed. bayr ch ter, enhbayr ch ter, bugd iduurchid,