Өнгөрсөн 2012 оны сонгуульд Увс аймгийн ИТХ-ын сонгуулийн үеэр Ардчилсан намын жагсаалтаар Д.Цэндсүрэн Ч.Чимэд нар намын жагсаалтын 1, 2-т эрэмблэгдэн, Ч.Чимид нь ИТХ-ын төлөөлөгч болж, Д.Цэндсүрэн тус аймгийн Засаг даргаар томилогдсон байдаг. Тиймдээ ч тэрүү Увсын сонгуулийн хороог АН-ыг дэмждэг Болор-Эрдэнэ тэргүүтэй хүмүүс удирдаж байгаа юм байна.

Ингээд Увс аймгийн Монгол ардын намаас Малчин, Улаангом сумын 11-р баг буюу Чимэд Цэндсүрэн нарын тойрогт өрсөлдөхөөр материалаа өгсөн нэр дэвшигч нарын материалыг Болор-эрдэнээр ахлуулсан сонгуулийн хороо бүртгэж авахаас татгалзсан байгаа юм байна. Өөрөөр хэлбэл тэ д хуйвалдан Монгол улсын иргэний сонгох, сонгогдох эрхийг зөрчсөн үйлдэл юм.

Хүсэлтээ өгсөн дээрх нэр дэвшигчид сонгуулийн хуулийг ямар нэг байдлаар зөрчөөгүй бөгөөд сонгуулийн тойргийн хорооны дугаарыг цагаан толгойн нэрсийн дарааллаар бичсэнээс болж нэр дэвшигчийг бүртгэхээс татгалзсан байна. Харин МАН-ын гишүүд үүнийг Увс аймгийн Ардчилсан намыг эзэгнэн, төрийн ажил хийж буй Цэндсүрэн, Чимэд хоёрын захиалгаар ийм байдалд хүргэлээ гэж үзэж байгаа ажээ.

Ямартай ч тус аймгийн иргэд ганцхан сарын дараа өнгөрсөн хугацаанд эрх барьсан Ардчилсан намд дүн тавина. Одоогийн байдлаар нутгийн иргэд АН-ынханд нэлээд ам муутай байгаа сурагтай. Мөн ИТХ-ын дарга Ч.Чимэд шүүхээр буруутай нь тогтоогдсон этгээдийг хамгаалсан асуудалд орсон аж. Тодруулбал иргэн Д.Төмөр-Өлзий өөрийн эзэмшиж байсан орон суцаа бусдад алдсан бөгөөд уг хэрэгт Ч.Чимидийг буруутгаж байгаа ажээ. Харин Засаг дарга Цэндсүрэн нь аймгийн биеийн тамир спортын цогцолбор барих гэж байсан газрыг орон сууцны зориулалтаар хувийн компанид эзэмшүүлсэн байдаг.

Н.Чимэг