ЦЕГ-аас дөнгөж сая мэдээлэл хийлээ. Энэ удаагийн мэдээллээр өнөөдөр Төрийн ордонд галт зэвсэгтэй нэвтрэх гэсэн хэрэг болон Централ Товер, БОНХЯамны үүдэнд байрлуулсан гэх тэсрэх бөмбөгний талаар мэдээлэл хийсэн юм. Тодруулбал өнөөдөр өглөө 10 цагийн орчим “Гал үндэстэн” холбооны тэргүүн Ц.Мөнхбаяр болон нэр бүхий гурван иргэн галт зэвсэгтэй байсныг саатуулан, харъяалалын дагуу ТЕГ-т шилжүүлсэн байна.

Одоогийн байдлаар мөрдөн байцаалт эхэлсэн болохоор нэмэлт мэдээлэл өгөх боломжгүй гэв. Харин өглөөний эсэргүүцлийн цуглаанд оролцсон “Гал үндэстэн” холбооны гишүүдэд захиргааны хариуцлага хүлээлгэсэн байна. Өөрөөр хэлбэл хүн бүхэн жагсал хийх эрхтэй. Гэхдээ хуулийн дагуу мэдэгдэж, зөвшөөрөл аваагүй тул ийнхүү захиргааны хариуцлага хүлээлгэсэн байна. Энэ өдөр шуурхай мэдээллийн төв болох 102 дугаарт тэсрэх бөмбөг байна гэсэн мэдээлэл ирсэн байна. Уг мэдээллийн дагуу Уул уурхайн яам болон БОНХЯамны орчим тэсрэх бөмбөг байж болзошгүй бодисыг хураан авч, авулгүй болгосон байна. Мөн Централ товерийн нэг давхарын хогийн саванд байсан тэсрэх бөмбөг байж болзошгүй тэсрэх бөмбөгийг 15:30 цагт аюулгүй болгосон байна. Нийгмийн амгалан тайван байдлыг хангаж, тэсрэх бөмбөг байж болзошгүй бодисыг аюулгүй болгосон тул иргэдийг сэтгэл амар байж болно гэдгийг ЦЕГ-аас онцлож байсан юм.

 А.Баярмаа