Монгол Улсаас ОХУ-д суугаа Элчин сайдын яамны Консулын газрын байранд хууль бус мөрийтэй тоглоомын газар ажиллаж байсныг тус улсын эрүүгийн цагдаагийнхан илрүүлсэн гэх мэдээлэл гарсан билээ. Тодруулбал эл газар нь Москва хотын төв Арбатын гудамжинд байрладаг байна.

Тэнд ойролцоогоор сая орчим ам.долларын үнэ бүхий тоноглолтой нууц казино ажиллаж байжээ. Тиймээс энэхүү казиног хэн ажиллуулдаг, хэрхэн хөрөнгө оруулдаг олсон орлого нь хаашаа гардаг зэргийг тодруулахаар цагдаагийнхан хэрэгт эрүүгийн хэрэг үүсгэн  шуурхай ажиллаж байгаа юм байна.

2007 онд энэхүү байрны насжилт дууссан, барилгыг засаж сайжруулах шаардлагатай гэж үзэн акт тогтоосон байна.

Гэтэл тухайн үед Монгол улсаас ОХУ-д суух бүрэн эрхт элчин сайдын зааварчилгаагаар, тус улсын “Центр Регион Стиль”  компанид энэхүү байрыг түрээслүүлсэн ажээ. Өөрөөр хэлбэл, С.Баярыг элчин сайд байх үед хийгдсэн энэхүү түрээсийн гэрээ энэ оны есдүгээр сард дуусгавар болох юм байна.

Мөн Элчин сайд асан Л.Хангай 2011 онд түрээсийн ямар ч гэрээгүйгээр “Центр регион эстэйт” компанид хууль бусаар ашиглуулсан. Засгийн газраас хоёр ч удаа комисс ирж шалгаад дийлээгүй. Л.Хангайг АТГ-аар шалгуулна гээд ч хүчрээгүй гэх мэдээлэл бас байгаа юм. Харин энэхүү дуулиан дагуулсан байрны талаар чеченьчүүдтэй үзэлцэж байгаа ганц хүн нь ОХУ-д Элчин сайдаар ажиллаж байгаа Б.Дэлгэрмаа гэх мэдээлл байна. Өөрөөр хэлбэл, өмнөх Элчин сайдуудын хийсэн энэхүү хууль бус казиног илрүүлэхэд Элчин сайд Б.Дэлгэрмаа өөрөө оролцсон байж болох аж. Мөн энэ мэдээлл гарахад Гадаад харилцааны яамнаас нэр төрө өхамгаалсан, үгүйсгэсэн мэдээлэл хийсэн нь манайхан хэр худалч болохыг харууллаа.

Г.Наран  

zaluu.mn