Нийслэлийн хэмжээнд зам тээврийн осол аваар их гарах болсон. Энэхүү осол гарах шалтгааны ихэнх хувийг жолооч нар архи согтууруулах ундааг хэрэглэсэн үедээ жолоо барьж замын хөдөлгөөнд оролцсон хэргүүд эзэлдэг байна.

Уг нь согтуугаар жолоо барих нь ЗХТХ-ийн 25.1 заалтыг зөрчиж байгаа бөгөөд өөрийн болон бусдын амь насанд аюул учруулж буй хэрэг гэдгийг манай улсын жолооч нар одоо болтол оюун ухаандаа тунгааж ухамсарлаагүй байгаа бололтой.

Үүний нэгэн жишээ өчигдөр буюу арваннэгдүгээр сарын 20-нд Шархадны зам дээр согтуу жолооч осол гаргажээ. Тэрбээр Toyota  Rush маркийн автомашины жолооч согтуугаар хурд хэтрүүлж, эсрэг урсгалаар ирж явсан Verna маркийн автомашины хамар дээгүүр гарч осолджээ. 

Уг ослын улмаас азаар  хүний амь нас эрсдээгүй аж. Жолооч та бүхэн согтууруулах ундаа хэрэглэсэн үедээ замын хөдөлгөөнд оролцохгүй байхыг сэрэмжлүүлэх үүднээс дараах зургийг хүргэж байна.

Ослын зургийг Фэйсбүүк Paparazzi+Traffic группээс авсан болно.

Х.Даваа