Нийслэлийн Засаг дарга С.Батболдын захирамжаар 29-р сургуулийн захирал Б.Батсайханыг өнөөдрөөс ажлаас нь чөлөөллөө. Боловсролын сайдын тушаалаар тус сургууль дээр үүсээд байсан нөхцөл байдлыг шалгах ажлын хэсэг байгуулагдсан.

Ажлын хэсгийн дүгнэлтийн үндэслэн, Засаг дарга дээрх шийдвэрийг гаргасан байна. Өөрөөр хэлбэл түүнийг мэргэжил, ур чадварын хувьд гүйцэтгэж байгаа ажил, албан тушаалдаа тэнцэхгүй болсон, хөдөлмөрийн сахилгын зөрчил гаргасан хэмээх  ажлын хариуцлага алдсан хэмээн ажлаас нь өнөөдрөөс халж байгаа аж. Б.Батсайхантай албан хэрэг, амралт, аж ахуй, санхүүгийн тооцоо хийж дуусгах ажлыг Нийслэлийн Боловсролын газрын Ж.Гантулгад даалгаад байгаа аж. 

Харин сурагчдад бэлгийн дарамт үзүүлдэг байсан эсэхийг Сүхбаатар дүүргийн нэгдүгээр хэлтсээс шалгаж буй бөгөөд дүгнэлт эцсийн байдлаар гараагүй аж.