Хүүхдүүдээ наранд борлуулах нь маш буруу гэдгийг Английн эмч нар анхаарууллаа
2017/06/29
ЛОНДОН./BBC/. Наранд борлох нь арьс эрүүл байгаагийн шинж огтхон ч биш бөгөөд эсрэгээр арьс гэмтсэний илрэл юм. Ийм анхааруулгыг Английн Эрүүл мэндийн үндэсний алба ба Их Британийн Цаг уурын албанаас хүүхдүүдээ дагуулан амрахаар явах гэж буй эцэг эхчүүдэд өгчээ.
Тус хоёр байгууллагаас явуулсан судалгааг үзвэл, наранд арьсаа борлуулах хүүхдүүдэд хэрэгтэй гэсэн ташаа бодол Их Британийн эцэг эхчүүдийн 1/3-д нь байдаг аж. Тэгвэл ¼ нь хүүхдүүдээ наранд биеэ шарахыг нь дэмждэг гэнэ.
Наранд биеэ борлуулахын ашиг тус гэж огт байдаггүй бөгөөд энэ нь нарны туяаны хорт нөлөөнөөс хамгаалдаггүй байна. Харин эсрэгээр, наранд борлоно гэдэг нь арьс ихээр гэмтэж, нарны туяаны хорт нөлөөнөөс өөрийгөө хамгаалахаар оролдож буйн шинж тэмдэг аж. Биед хортой хэт ягаан туяанд өртсөн хүний арьсан дахь меланоцит хэмээх эсүүд нь нарны туяаг шингээн авахын тулд меланин гэдэг хар өнгийн пигментийг ялгаруулдаг байна. Ингэснээр хүний арьс борлодог ажээ.
Наранд байнга байх нь нас ахисан үед арьсны хорт хавдраар өвчлөхөд хүргэх магадлалтай юм. Ийм учраас Английн Эрүүл мэндийн үндэсний алба твиттер хуудсандаа #CoverUpMate гэдэг кампанит ажлыг өрнүүлж, арьсны хорт хавдрын талаарх мэдээллийг иргэдэд өгч байна.
Ер нь бол, хүүхдүүдийн арьс нь насанд хүрэгчдийнхээс илүү эмзэг байдаг билээ. Тиймээс 6 сар хүрээгүй нярай хүүхдүүдийг наранд ээнэ гэсэн ойлголт огт байж болохгүй юм.
Хэдийгээр нарны туяа нь бие организм дахь Д витамины хэмжээг нэмэгдүүлдэг боловч ийм боломжийг хэтрүүлэн ашиглах хэрэггүй гэж Английн Эрүүл мэндийн үндэсний албаны ажилтан, доктор Найжел Ачесон зөвлөж байна.
“Ер нь бол, ямар нэгэн хамгаалалтгүйгээр долоо хоногт нийтдээ 10-15 минутын хугацаагаар хэд хэдэн удаа наранд зогсоход л хангалттай” гэж тэрбээр хэлсэн юм.
Х.Сарнай
Irgen · 2017/06/30
Hiimeleer usguj battulgiin neriig unagaaj baigaan.
Irgen · 2017/06/30
Hiimeleer usguj battulgiin neriig unagaaj baigaan.
Ариунаа · 2017/06/30
За нөгөө масс-раа Монгол ялна гээд орилоод байсан. Ийм л үр дүн өгөх гээд байсан юмаа. Гадныхныг үзэн ядсан үндэсний үзэл ярьсан ерөнхийлөгчтэй оронд ер нь ямар гадаад улс хөрөнгө оруулах вэ дээ. Овоо гайгүй бууж байсан доллар эргээд чангараад, эхэллээдээ.
Сайхнаа · 2017/06/30
Хэтэрхий үндсэрхэг поп улс төр ийм л үр дүнг авч ирж байна. Монголд таатай хандаж байсан хөрөнгө оруулагчид одоо биднийг тогтворгүй бизнесийн орчин үүсгэж магадгүй гэдэг дээр байр суурь нь нэгдчихлээ. Одоо тэгээд малаа маллаад үнээгээ саагаад л амьдрах хэрэг үү. Дэлхий хавтгай болсон гэдгийг хэзээ ойлгох хүмүүс вэ бид.
Зочин · 2017/06/29
Энэ ерөнхийлөгчийн сонгууль Монгол улсын эдийн засагт хүндхэн даваа авч ирэх нь дээ. Олон улсын шинжээчид биднийг хамгийн туйлбаргүй орон гэж нэрлэж байна. Аргагүйшдээ үргэлж нэгийг нь сонгочихоод дараа нь өөдөөнөөс нь нөгөөхийг нь турхирч байдаг биднийг массын сонголт. Доллар чангараад эхэллээ дээ.
Болд · 2017/06/29
Эдийн засгийн бүх үзүүлэлтүүд унаад эхэллээ. Нийгэмийг талцуулж гадныхны дургүйг хүргэснээрээ Женко Баттулга өөрөө хариуцлагаа хүлээвэл таарна. Эдийн засгийн ямар ч ойлголтгүй хар масс-д худлаа цус ярьж хөөргөснийх нь гайг Монгол үүрэх нь Юуны чинь Монгол ялна. Монгол ялагдаад эхэллээ.
Гэрлээ · 2017/06/29
Улс төрийн үйл явц эдийн засагт хэрхэн нөлөөлдөгийг бид одоо бодитоор харж байна. Доллар эрчимтэй өсч эхэллээ. Дэлхийн зах зээл дээр Монголын хувьцаанууд хурдацтай унаж байна. Цусаар талцуулсан популист улс төр ийм л нөлөө үзүүлж байна. Дэлхий глобалчлагдсан гэдгийг хэзээ ойлгох хүмүүс юм болдоо Монголчууд бид.