Монголоос Лондон хүртэл тэмээн жингээр явах аяллыг санаачлагч Н.Байгальмаа хэдийн аян замдаа гараад буй билээ. Тэрээр аялалаа эхлэхдээ таван улсын найман иргэнтэй хамт эхэлсэн боловч аялагчид замаасаа буцаж Англи улсын иргэн, явган аялагч Карл Бушбигийн хамт аяллаа үргэлжлүүлсэн ч Карл Бушби Баянхонгор аймаг хүрээд аялалаа өндөрлүүлсэн билээ. Ингээд ганцаар үлдэж хоцорсон Н.Байгальмаатай хамт сайн дураар тус аймгийн нэгэн цагдаа, малчин залуу хоёр нэгдэн тэд аялалаа үргэлжлүүлж байгаа юм. Тэгвэл түүний энэхүү мэдээллийг олж харсан Монгол бадарчин Амай түүнтэй нэгдэнэ гэдгээ илэрхийлжээ. Тэрээр: Монгол бүсгүйн тэсвэр хатуужлыг Дэлхийд тунхаглах болтугай! Хүч тэнхээгээ сэлбэж байгаад, аян замын нэгээхэн хэсгийг хамт туулж, Монгол хүндээ дэм болно гэж бодож байна. Өнөөдрөөс эхэлж бэлтгэлдээ орлоо" хэмээн өөрийн фэйсбүүк хуудсандаа мэдээлжээ. 

Эх сурвалж: seen.mn