Оросын ерөнхийлөгчийн сонгуульд нэр дэвшиж Путины гол өрсөлдөгчөөр нэрлэгдээд байсан Ксения Собчак хэт задгай байдлаараа олон нийтийн анхаарлыг татаад байсан юм. Гэвч уг сонгуульд Путин үнэмлэхүй ялалт байгуулсан билээ. Тэгвэл “Оросын Парис Хилтон”-оос “Оросын Хиллари Клинтон” хэмээн нэрлэгдэх болсон 2018 оны Ерөнхийлөгчийн сонгуулийн гол өрсөлдөгч Ксения Собчакийн тухай 10 баримтыг хүргэе. 

1.Ксения 1981 онд Санкт-Петербург хотноо төржээ. 

2.Путинд улс төрийн "Цагаан толгой" заасан эрхмийн охин. Путин эцэг Собчакийн “баруун гар” байсан төдийгүй Ксениягийн загалмайлсан эцэг гэх яриа ч байдаг. 

3. Тэрээр Москвагийн Гадаад харилцааны их сургуулийг улс төрч мэргэжлээр улаан дипломтой төгссөн байна. 

4.Түүний тодотгол оросын хамгийн алдартай TВ хөтлөгч, сэтгүүлч, улстөрч дээдсийн хүрээллийн бүсгүй.

5. 2004 онд Дом-2 реалити шоуны хөтлөгчөөр ажиллаж, олон мянган хүмүүсийн шүтээн болсон юм. Тухайн үед Ксения залуу үеийн төлөөлөл, “Оросын Парис Хилтон” гэгддэг байв.

6.Мөн тэрбээр үнэтэй, чамин хувцсаар гоёж, тансан зэрэглэлийн шөнийн клубт элдэв тансаг идээ, ундаа хэрэглэж буй тухай нь гаргадаг өөрийн гэсэн реалити шоутай байжээ.

7.Баян чинээлэг, алдартай эрхмүүдийн цугладаг үдэшлэг, цэнгүүн алгасалгүй зугаалж, хөгжмийн шагнал гардуулах ёслол, томоохон арга хэмжээ хөтөлдөг байв. Шар хэвлэлийн хуудас түүнгүйгээр өнжинө гэж байдаггүй байжээ.

8. “Оросын Парис Хилтон” байсан Ксения Собчак 2012 оноос эхлэн дүр төрхөө огцом өөрчилж. Нүдний шил зүүн ажил хэрэгч нэгэн болсон юм. Одоо түүнийг  “Оросын Хиллари Клинтон” гэх болсон байна. 

9. 2016 онд Ксения жүжигчин, найруулагч Максим Виторгантай гэрлэж хүүтэй болсон юм.

10. Бүх Оросын Нийгмийн сэтгэлгээг судлах төвийн  судалгаагаар 95 хувь нь Ксения Собчакийг мэддэг гэж хариулсан байна.