Өнөөдөр С.Баярцогт, Б.Бямбасайхан нарыг үргэлжлүүлэн хорих эсэхийг шийдэх шүүх хурал Чингэлтэй дүүргийн эрүүгийн хэргийн анхан шатны шүүхэд болох тов гарлаа.

2018 оны 04-р сарын 01-ны өдөр Сангийн сайд асан С.Баярцогтыг саатуулсан. Өнөөдрийн байдлаар С.Баярцогт, Б.Бямбасайхан нарыг 45 хоног саатуулаад байгаа юм. Тэднийг дахин хорих саналыг прокурор гаргаад байсан бөгөөд уг асуудлаар цагдан хорионы шүүх хурал болж байна.

Шүүх дөнгөж сая хуралдаад С.Баярцогтыг дахин нэг сар баривчлах шийдвэр гаргалаа. Одоо Б.Бямбасайханыг үргэлжлүүлэн хорих эсэхийг шүүх хэлэлцэнэ. Бид энэ талаар эргэж мэдээлэх болно.