МУГЖ Уртнасангийн Уранчимэг буюу Урнаа гэх авьяаслаг бүсгүйг хүн бүр танина. Тэрбээр дунд сургуулиа төгсөөд СУИС-д шалгуулсан ч тэнцээгүй учраас дөрвөн жил мэргэжлийнхээ мөн чанартай танилцан, суралцаж яваад дахин шалгалт өгч  СУИС-д орон 1998 онд  жүжигчний ангийг төгссөн. 

Үүнээс хойш Улсын драмын эрдмийн театраар овоглуулж эхлэснээс хойш Ч.Ойдов “Далан худалч”- Пагма, А.П.Чехов“Цахлай” –Заречная,  Ф.Шиллер “Хар санаа хайр сэтгэл”-Луйза, С.Жаргалсайхан “Шөнө дундын бүжиг”-Шубира, Ц.Балдорж “Шөнө амталсан нулимс”-Чимгээ, К.Манье “Нүцгэн дурлал” – Мари,   А.Себастян “Нэргүй од” – Мона,   В.Хюго “Парисын дарь эхийн сүм” – Эсмеральдина, “Би эр хүнд хайртай” драмын жүжиг, “Тамгагүй төр”, “Ээжээ би танд хайртай”, .“Би ч гэсэн жаргахыг хүсч байна” жүжиг, “Би хүсэхгүй байна” жүжиг,Тэнгэрийн хүү жүжигт бага хатан Шунхуй зэрэг дүрүүдийг бүтээж үзэгч олондоо хүргэжээ.
Түүний  хамгийн залуу дүр нь  "Хар санаа ба хайр сэтгэл" жүжигийн 16 настай охин буюу Шиллерийн дүр аж.

Тэрбээр Соёлын тэргүүний ажилтан Д.Ганцэцэг, залуу жүжигчин А.Ганчимэг нар хамтран “G.U.G” нэртэй уран бүтээлийн нэгдэл байгуулан “Зэрлэг цэцэгсийн хүлэмж” хэмээх шинэ кинонд хамтран тоглосон.

Анхныхаа уран бүтээлийг амжилттай хийж үзэгчдийн хүртээл болгож чамгүй ашиг олсон чадварлаг жүжигчин маань одоогоор гэр бүлийнхэнтэйгээ гадаадад амарч байгаа юм. Урнаа ганц гүнжтэй охинтойгоо хамт татуулсан гэрэл зургаа өөрийн цахим хуудаснаа нийтэлжээ.

Дашрамд дуулгахад, ээж охин хоёр найзууд шиг ний нуугүй харьцдаг гэнэ.

Д.Ана