Өчигдөр Монгол Улсын гавьяат тамирчин Эрдэнэбатын Бэхбаяр Азийн зуны XYIII наадмын чөлөөт бөхийн 57 кг-д аваргын төлөө БНАСАУ-ын бөх Канг Кум Сонтой барилдаж 8:2-оор ялж, алтан медаль хүртэн Монголын баг тамирчдын  анхны медалийн салхийг хагаллаа
Үүнээс гадна чөлөөт бөхийн тэмцээний эрэгтэйчүүдийн 57, 65 74, 86, 97 кг жингийн барилдаанууд болсон бөгөөд Ө.Батмагнай хүрэл медалийн төлөө барилдаж Узбекстаны бөхөд 6:10-аар хожигдов.
О.Үйтүмэн хүрлийн төлөө Энэтхэгийн бөх Кумар Паван барилдаж 8:1-ээр ялж Монголын баг тамирчдын хоёр дахь медалийн эзэн болж манай баг нэг алт, нэг хүрэл медальтай боллоо. Монгол Улсын баг тамирчид өнөөдрийн байдлаар энэ амжилтаараа наадамд оролцогч 45 улсаас Энэтхэг, Узбекстан зэрэг 10 улсын хамт наймдугаар байр явж байна.