Дорнод нутгаас төрөн гарсан мисс бүсгүйчүүд олон. Тэдний нэг нь Т.Туяамаа. Түүнд загвар өмсөгч болох мөрөөдөл хар багаас нь байсан гэдэг. Байрныхандаа ээжийнхээ оёсон хувцасыг өмсөж үзүүлэн бяцхан шоу дэглэдэг байсан учир “орцны мисс” гэж өхөөрдүүлдэг байсан тэрбээр өдгөө хоёр дахь үрээ өлгийдөн авахаар зэхэж явна. Мисс бүсгүй Австрали улсад амьдарч байхдаа одоогоос 4 жилийн өмнө буюу 2016 оны 10-р сард анхны үрээ төрүүлж байсан билээ.