УИХ-ын гишүүн О.Баасанхүүг намаасаа гарахыг МАХН-ын дэд дарга, шадар сайд Д.Тэрбишдагва зөвлөсөн тухай тэрээр өөрийн twitter хуудсандаа жиргэсэн билээ.
Учрыг олоогүй гайхсан О.Баасанхүүд Д.Тэрбишдагва энэ бол дээрээс ирсэн тушаал гэдгийг ойлгуулж,  намынхаа даргатай өөртэй нь биечлэн уулзах хэрэгтэй гэсэн байна.
Энэ сарын 27-нд тэд хамтдаа Солонгосыг зорьж, МАХН-ын дарга Н.Энхбаяртай уулзахаар явжээ.
Н.Энхбаярын хувьд О.Баасанхүүг МАХН-аас гаргах замаар өөрөө УИХ-ын гишүүн болохоор нэгэнт шийдсэн байна.
Сонгуулийн хуулиар О.Баасанхүү намаасаа гарсан тохиолдолд автоматаар УИХ-ын гишүүнээс чөлөөлөгдөж, жагсаалтын дараагийн хүн нөхөн тангараг өргөх учиртай.
Өөрөөр хэлбэл Ерөнхийлөгч асан Н.Энхбаярын улс төр дэхь эргэн ирэлт УИХ-ын гишүүн болохоос эхлэх аж.
Тэрээр О.Баасанхүүг хоосон орхихгүй бөгөөд шүүхийн өндөр албанд ажиллуулахаар санал болгох бололтой.

Л.Ганзориг