Монгол улсын Засгийн  газрын албан ёсны вэб  хуудас байсан http://www.open-government.mn/ сайт  Япон хэлд дээр  бараа бүтээгдэхүүн худалддаг арилжааны сайт болсон байна. Шинэчлэлийн Засгийн тэргүүн Н.Алтанхуяг Ерөнхий сайд болсныоо дараа  хэл хугарчмаар олон гадаад нэртэй төрийн сайтуудыг нэгтгэж цэгцлэх хэрэгтэй хэмээн хэлж, Zasag.mn сайтыг албан ёсоор Засгийн газрын сайт болгосон.  Ингээд өмнө нь хэрэглэгдэж байсан  http://www.open-government.mn/   сайтыг ор тас мартаж орхижээ.  Гэтэл энэ сайтыг одоо Япончууд эзэмших болжээ.  Тэр тусмаа  эмэгтэйчүүдийн хөх томруулах үйлчилгээний талаарх бизнес мэдээлэл энэ сайт дээрх байх юм.

001

parlУг  нь        ………………… .mn өргөтгөлтэй домайн нэрэн дээр Монгол улсын байгууллага,  иргэн зохих зөвшөөрөл авч  цахим  үйл ажиллагаагаа явуулдаг баймаар юм. Гэтэл нэгэн цагт  Монгол төрийн Засгийн газрын  цахим хуудас  ямар аргаар Японы хүүхнүүдийг хөх томруулдаг сайт болсныг тайлбарлах хүн алга байна. Нэг хэсэг нь хакеруудын хийж байгаа ажил гэж үзэж байхад нөгөө хэсэг нь  эл домайныг эзэмшиж байсан хувь хүн Японуудад зарсан байж болно гэж таамаглаж сууна. Ямартай ч энэ асуудалд холбогдох байгууллагууд анхаарлаа хандуулахгүй бол Монгол улсын Парламентын албан ёсны сайт хэмээн ойлгож гадаад  дотоодын  олон хүмүүс энэ сайт руу хандаад юу гэж  ойлгох вэ? Улс орны  нэр хүндийг энэ мэт ялих шалихгүй зүйлээс болж олон улсын тавцанд унагах хэрэг байна уу Ерөнхий сайдаа…

А.Галт