Монгол хөгжихгүй байгаа гол шалтгаан нь атаархал, тэнэглэл юм биш үү?
2020/12/12
Атаархал ба Тэнэглэл
Эх орон маань яагаад хөгжиж дэвжихгүй байгаа нэг гол шалтгааныг энэ хэдхэн зургаар төлөөлүүлэн тайлбарлах уу? Тайлбарлах ч багадана даа, зарга үүсгэж өчихөөр шийдлээ. Санзайн булагийн аманд орших нэг гэмгүй монгол айлыг (лав монгол айл гэж бодож байна. Гадаад айлын сууц биш байлтай?) ийм болгож тавьжээ. Бямба-Нямд очих тоолондоо тэндээс ундны усаа авдагсан. Одоо хөлдчихлөө. Дараа зун болтол тийшээ очихгүй.
Би нохойгоо хөтлөөд тэр хавиар байнга зугаалдаг. Харин энэ байшингийн дэргэдүүр өнгөрөх тусам өр өвдөөд тэсч чадсангүй бичихээр шийдлээ. Уншигчиддаа хэргээр хүргэе гэж шийдлээ. Сүйтгүүлсэн тэр байшингаас санаа сэдэл аваад гарчгаа ердөө л ингэж сонголоо. Өөрөөр гарчиглах хүсэл ч алга. Сүйтгэсэн эзэд нь сэтгэлийн таашаал авдаг юм уу, ашиг хонжоо хайдаг юм уу, эсвэл өс хонзонгоо тайлдаг юм уу, эсвэл яадаг ч юм. Ганц дүгнэлт – ТЭНЭГЛЭЛ, бүр УСАН ТЭНЭГ ЯВДАЛ!
Гэмгүй энэ айлын сууцыг орос, хятад, америк, япон, герман, солонгос, турк, энэтхэг хүн лав очиж ингэж хорлохгүй. Би үзэж хараагүй ч тэгж баттай хэлж байна. Энэ тэнэглэлийг хэн хийсэн бэ? МОНГОЛ ХҮН л хийсэн. Өөр хэн ч биш, монголчуудаас л ийм хорлонтой тэнэг үйлдэл гарна. Шалтгаан нь ердөө ойлгомжтой. Тэр бол АТААРХАЛ. Яалаа гэж атаархдаг юм бэ? Гэмгүй, ядахнаа танихгүй айлыг хэзээ ч ингэхгүй гээд мэлзээд үз л дээ. Монголчууд өөрөөсөө илүү яваа, өөрөөсөө дээгүүр яваа болгоныг хялааж үздэг. Хэт гялалзвал дайсан олонтой болно. Ядуу муу, уруу дорой явбал хэн ч дайсагнахгүй. Иймд сайн яваагаа дордуулсаар доошлуулсаар өөрсдийнхөө зиндаанд аваад ирэх хүсэлтэй. Муудсаар муудсаар өөрийнх нь зиндаанд хүрээд ирвэл үү? Адилхан хоёр идэхгүй, хоосон хонохгүй, мөчөөрхөх атаархах юм байхгүй. Хагалах цонх ч байхгүй.
Өнөөгийн Монголын нийгмийн харилцааны хөндүүр сэдвийг би хөндөж байна. Энэ өнцгөөсөө би АТААРХАЛ хэмээн шууд үзлээ. Атаархаж хорсохдоо хийж байгаа ажил үйл нь ердөө энэ, зурган дээр байж байна. Чаддаг ганц нь. Сайн чадсан байгаа биз, сайн харцгаа!
Эх орон олигтой хөгжихгүй байна. Нэг байрандаа дэвхцээд, эсвэл урвуу дэвшлээр яваад байна. Ядуурал, ажилгүйдэл, арчаагүйтэл, байхгүйтэл, мөнгөгүйтэл..... улс төрчдийн амны уншлага. Олон шалтгаан байдаг бол магадгүй монголчуудын атаархал ба тэнэглэл нь гол шалтгаан нь юм биш үү? Эргэцүүл дээ. Хариул даа! Энэ зурагт өөрөөр ухаалаг, эерэг нэp өг дөө! Эрхэм уншигчид аа?
Олон улсын харилцааны судлаач-профессор Д.Баярхүү
Зочин · 2020/12/12
Harin tiimee, ene hun uuruu ataarhdag baisiim bishuu. Bi l bodohdoo oron bairnii hulgaichuud ezgui aild orchood muruu ballah geel gal tavisan baih.
Эмээ · 2020/12/12
Миний санал нэг байна.би монгол хүн гэхдээ монгол хүнд дургшй гэж бүх хүмүүст хэлдэг. Монгол хүн залхуу, атаархуу, чадваргүй, нэг зүйлийг сайн хийж хэвшил болгох хүсэлгүй. Ер нь бол төгс төгалдөрт дургүй. Ааг нь их , амныхаа зоргоор тархиа ажиллуулж шүүхгүй ярьдаг, өөрөө бол юу ч бүтээхгүй. Гадаадад ингэж сайхан амьдарч байна, би муу амьдарч байна. Төр засаг амруу хоол хий, надад хөрөнгө өг , би мундаг намайг юм хийлгэхгүй байна гэхээс. Ном уншдаггүй, саыхан зүйлээс жишээ авдаггүй. Агуу бүхэн энгийн байдагтай эвлэрч чаддаггүй.арчаагүй хууль дүрэм баримтталдаггүй зангаасаа үхэлд хүрчихвэл төр засаг алчихлаа юм өг гээд... Энэ нийтлэлтэй санал нэг байна.
зочин · 2020/12/12
Нэг онигоо байдаг юм. Хоёр найз байж, нэг нь их залхуу, идэх хоол ч байхгүй, гэр орон ч үгүй. Харин нөгөөх нь ажил амжиргаатай гэр оронтой сайн сайхан явж. Бирд гээч юм ирээд залхуу найзынх нь нэг хүслийг биелүүлье, хүслээ хэл гэж. Нөгөө залхуу чинь энэ нөхрийг минь над шиг гуйлгачин болгоод өгөөч гэж хүссэн юм гэнэ лээ. Ядаж намайг энэ нөхөр шиг минь болгоод өгөөч гэж хүсээгүй л байгаа юм даа. Монгол зааааан гэж.
зочин · 2020/12/12
Тамын тогоо
зочин · 2020/12/12
гаднын хүн эвдэв үү эсвэл өөрсдөө хоорондоо зодолдов уу
Равсал · 2020/12/12
Монголыг танк пулемётоор эзлэхгүй. Өөрснөө өөрсдийгөө хоролсоор дуусна...Бөөн хагаралдаан, жалга дов, амь амиа бодсон үзэл, хойч үеэ хордуулсаар, хорлосоор, дээдэс нь ч эв нэгдэлгүй, доодос нь ч эв нэгдэлгүй... Яая даа байз Монголоо. Хонгилийн үзүүрт гэрэл байна уу? Яасан ч урт хонгил юм. Гэрэл харагдаж байна гэсэн мөртлөө дуусахгүй юм...Хэзээ эвтэй болох вэ? Хойч үе маань яана даа. Буруу залаад байна!!!!!!!!!!!!!!
MONGOL · 2020/12/12
Хүн өөр шигээ бусдыг боддог гэдэг дээ. Та л тийм биз хэ хэ Бацаанууд цонхыг нь хагалаа биз. дэггүйчүүд л архи ууж байгаад гал алдсан биз.
Хөгжихгүй буй шалтгаан · 2020/12/12
Хөгжихгүй буй хамгийн гол шалтгаан бол залхуу зан чанар. Харин зохигчийн бичсэн тэнэг зан чанар бас нөлөөлнө. Харин атаархал тийм их нөлөөлөхгүй байх. Мэдээж, атаа бол тийм сайн зан чанар биш. Гэхдээ хувь хүн, улс хөгжихөд ихэнх тохиолдолд эерэг нөлөөтэй. Ихэнх тохиолдолд шүү, Тун бага тохиолдолд улсын болон хувь хүний хөгжилд саад болдог. Гол нь тэнэг хүмүүс атаархалд автахаараа улам доройтдог. Харин ухаажсан, зөв хүмүүс атаархалд автахаараа хөгждөг.