Өнөөдөр УИХ-ын нэгдсэн чуулганаар долоон асуудал хэлэлцэнэ. Чуулганы хуралдааны эхэнд Х.Тэмүүжинг огцоруулах, Х.Баттулгыг чөлөөлөх зэрэг хэд хэдэн анхаарал татсан асуудлыг хэлэлцэх ажээ. 

Өнөөдрийн чуулганаар хэлэлцэх асуудлыг дарааллын дагуу хүргэж байна. 

1. Засгийн газрын гишүүнийг огцруулах тухай асуудал /хэлэлцүүлэг үргэлжилнэ/.

2. Монгол Улсын нэгдсэн төсвийн 2014 оны төсвийн хүрээний мэдэгдэл, 2015-2016 оны төсвийн төсөөллийн тухай хуульд өөрчлөлт оруулах тухай хуулийн төсөл /хэлэлцэх эсэх/:

 - Хууль санаачлагчийн илтгэлийг Сангийн сайд Ч.УЛААН танилцуулна;

- Төсвийн байнгын хорооны санал, дүгнэлтийг Улсын Их Хурлын гишүүн С.БАЯРЦОГТ танилцуулна.

3.Засгийн газрын гишүүнийг чөлөөлөх тухай асуудал:

- Хууль санаачлагчийн илтгэлийг Ерөнхий сайд Н.АЛТАНХУЯГ танилцуулна;  

- Байгаль орчин, хүнс, хөдөө аж ахуйн болон Эдийн засгийн байнгын хорооны санал, дүгнэлтийг Улсын Их Хурлын  гишүүн С.ДЭМБЭРЭЛ  танилцуулна.

4. Хяналтын тухай болон холбогдох бусад хуулийн төслүүд /Засгийн газраас 2014.4.01-ний өдөр өргөн мэдүүлсэн, хэлэлцэх эсэх/:

- Хууль санаачлагчийн илтгэлийг Шадар сайд Д.ТЭРБИШДАГВА танилцуулна;

- Төрийн байгуулалтын байнгын хорооны санал, дүгнэлтийг Улсын Их  Хурлын гишүүн Р.БУРМАА танилцуулна.

5. Соёлын өвийг хамгаалах тухай /шинэчилсэн найруулга/ болон холбогдох бусад хуульд нэмэлт, өөрчлөлт оруулах тухай хуулийн төслүүд /эцсийн хэлэлцүүлэг/:

- Нийгмийн бодлого, боловсрол, соёл, шинжлэх ухааны байнгын хорооны танилцуулгыг Улсын Их Хурлын гишүүнЁ.ОТГОНБАЯР танилцуулна.

6. Газрын тосны тухай /шинэчилсэн найруулга/, Газрын тосны тухай хуулийг дагаж мөрдөх журмын тухай, Газрын тосны тухай хуулийг хүчингүй болсонд тооцох тухай болон холбогдох бусад хуульд нэмэлт, өөрчлөлт оруулах тухай хуулийн төслүүд /эцсийн хэлэлцүүлэг/:

- Эдийн засгийн байнгын хорооны танилцуулгыг Улсын Их Хурлын гишүүн  Х.БОЛОРЧУЛУУН танилцуулна.

7. Засгийн газрын тухай хуульд нэмэлт оруулах тухай хуулийн төсөл /Улсын Их Хурлын гишүүн С.Дэмбэрэл, А.Бакей, Р.Гончигдорж, Д.Лүндээжанцан, Сү.Батболд, Н.Батцэрэг нар 2014.3.25-ны өдөр өргөн мэдүүлсэн, агаарын бохирдлын талаар, анхны хэлэлцүүлэг/:

- Төрийн байгуулалтын байнгын хорооны санал, дүгнэлтийг Улсын Их  Хурлын гишүүн Б.НАРАНХҮҮтанилцуулна.