АМГТГ-аас шатахуун импортлогч ААН-үүдэд АИ-92 бензиний үнийг 100 төгрөгөөр буулгах шаардлага тавьсан байна. Харин импортлогчид нөөцийг 30 мянган тонноор нэмэгдүүлэхгүй бол үнэ буулгах боломжгүй гэсэн хариу өгчээ.

Энэ талаар өнөөдөр АМГТГ-аас хийсэн хэвлэлийн бага хурлын үеэр ярилаа. Тодруулбал тус газрын дэд дарга Ц.Эрдэнэбаяр “Засгийн газраас АИ-92 шатахууны улсын нөөцийг нэмэгдүүлэх тогтоол гаргасан. Хэрэгжилтийг ханган ажиллаж байна. Энэ тогтоолын хүрээнд ААН-үүдэд үнээ буулгах шаардлага тавьсан ч нөөц нэмэгдүүлээгүй тохиолдолд тэгэх боломжгүй гэдэг байр суурь илэрхийлээд байгаа” гэлээ.