Манай Ерөнхий сайд их сэргэлэн нөхөр шүү, хол явна,аа. Улсынхаа эдийн засгийг унагаж, дэлхий нийтэд шившгийг нь дэлгэсэн атал өөрийнхөө “Мах маркет”-ийг хүнсний аюулгүй байдлын удирдлагын тогтолцоо ISO22000:2005 стандартыг нэвтрүүлж, олон улсын аудитын компаниар шалгуулан тэнцсэнээ орон даяар зарлаадхав.

Ерөнхий сайд “Мах маркет”-ээ анх 2004 онд байгуулж байсан түүхтэй. Тодотговол “Мах марект”-аа 2004-2006 онд Сангийн сайдаар ажиллаж байхдаа байгуулсан байна.  

 Түүнчлэн тус мэдээлэлд дурдахдаа “стандартыг нэвтрүүлэхийн тулд “Мах Маркет” ХХК нь 2 жилийн хугацаа зарцуулж, ихээхэн хэмжээний хөрөнгө оруулалт, бүтээн байгуулалтын ажил гүйцэтгэснээс гадна ажилтнууддаа эрүүл ахуйн байнгын сургалт, дадлага олгож, дотооддоо 50 гаруй бодлогын баримт бичиг, 200 гаруй журам, заавар, бүртгэлүүдийг бий болгож, мөрдөн ажиллаж байна. Үүнээс гадна монгол улсын 40 гаруй хууль эрх зүйн актын шаардлага, 100 гаруй стандартын шаардлагыгтус тус хэрэгжүүлэн ажиллаж байна” хэмээжээ. Тодруулбал, Н.Алтанхуяг Ерөнхий сайд болсноосоо хойшхи хоёр жилийн хугацааг энэ ажилд зарцуулсан гэдэг нь харагдаж байна.