Австралийн Холбооны Улсын Амбан захирагч нарын тэргүүтэй зочид, төлөөлөгчид 2025 оны есдүгээр сарын 4-9-ний өдрүүдэд Монгол Улсад төрийн айлчлал хийнэ.

Үүнтэй холбогдуулан тус өдрүүдэд Их Монголын гудамж, Олимпийн гудамж, Энхтайны өргөн чөлөө, Наадамчдын гудамж, Чингисийн өргөн чөлөө зэрэг замын хөдөлгөөнийг түр хугацаанд хязгаарлаж хамгаалалт, зохицуулалт хийх аж.

Иргэдийг цагдаагийн алба хаагчийн шаардлагыг биелүүлж, бусдад хүндэтгэлтэй хандан, замын хөдөлгөөний дүрмийг баримталж, хөдөлгөөнд соёлтой оролцохыг Тээврийн Цагдаагийн Албанаас анхаарууллаа.