Монголын үр тариа эрхлэгчдийн “Газар тариалан” холбооноос 5000 тариаланчдын жагсаалыг  зохион байгуулах гэж байгаа тухай өмнө нь мэдээлж байсан.

Тэгвэл тэд өнөөдөр Чингисийн талбайд ОХУ-аас 20 мянган тонн улаан буудайг импортлох тухай Засгийн газрын шийдвэрийг эсэргүүцэж  жагсаал зохион байгуулж байна.


Одоогоор тариаланчдын гар дээр борлуулаагүй үлдсэн 40 мянган тонн, Тариалан эрхлэлтийг дэмжих санд 32 мянган тонн улаан буудай байгаа ч хойд хөршөөс 20 мянган тонн буудай оруулж ирэх нь тариаланчдын хөдөлмөрийг үгүйсгэж байгаа хэрэг юм хэмээн Тариалан эрхлэгчдийн холбооны ерөнхийлөгч Л.Цандэлэг байр сууриа илэрхийлсэн байдаг.