​Хэнтий аймагт усанд живж байсан хүнийг онцгой байдлын аврагчид аварсан байна. Өчигдөр үдээс хойш тус аймгийн  Хэрлэн сумын тавдугаар багийн иргэн 30 настай, эрэгтэй М Хэрлэн голын усанд унаж, урсаж байсныг Усан эргүүлээр үүрэг гүйцэтгэж явсан алба хаагчид  уснаас эсэн мэнд гаргаж, аймгийн цагдаагийн газарт шилжүүлэн өгчээ.

Тус аймгийн Онцгой байдлын газрын дээрх  албан хаагчдад иргэн М-ийн гэр бүлээс талархал илэрхийлж,цаашдынх нь ажил үйлсэд өндөр амжилт хүссэн байна.