Н.Энхбаярын оны сүүлчийн улс төр
2015/12/25
Сонгуулийн хуулийн өөрчлөлтөөр тохиролцоонд хүрсэн АН, МАН-ынхан бусад нам хийгээд Засгийн эрхэнд хамтарч байгаа “Шударга ёс” эвслээс зайгаа барьж, тоглоомын тойрогтой оруулахгүй явсаар өнөөдрийг хүрч байна.
Засагт хамтарсан “Шударга ёс” эвслийн АН-д дайх болсон тунирхал, саяхан л МАН-тай эвсэж “хар машин” шатааж явсан парламентад суудалгүй намууд дахин шаардлага хүргүүлж эхэлснээс харахад хоёр намын түр зуурын “нөхөрлөл” хэт дотносон гэлтэй. Угаасаа улаан, цэнхэр намынханд он солигдох торгон мөчтэй уралдаж Сонгуулийн хуульд нэмэлт өөрчлөлт оруулах замаар айдгаа авдартаа хийх нь өнөөдөртөө чухал учраас дэргэдэх хамтрагчдаа анзаарах сөхөөгүй яваа болов уу.
Гэхдээ товчлуурын илүүгээр, эрх мэдлийн хуваарилалтаараа Сонгуулийн хуулийг аль болох өөрсдөдөө ашигтай байдлаар засварлаж, өөрчлөх АН, МАН-ын боломж биелэлээ олохгүй байж мэдэх нь. УИХ-ын даргын дэргэдэх зөвлөлийн тооцоолсноор өнөөдөр Сонгуулийн хуулийг эцэслэн батлах учиртай. УИХ-д өргөн барьсан Р.Бурмаа, Су.Батболд, О.Баасанхүү нарын гурван төслийг нэгтгэх Ажлын хэсгийнхэн ч өнгөрсөн өдрүүдэд шахуу цагаар хуралдаж саналаа нэгтгээд буй. Мэдээж эвслийн бүлгийн тунирхал, парламентад суудалгүй намуудын шаардлагыг үл тоогоод тохиролцоо ёсоор сонгуулийн шинэ зургийг зураглах нь АН, МАН-ынханд алга ургуулах төдий л зүйл. Гэхдээ үүнээс өмнө Н.Энхбаяр хийгээд эвслийн бүлэг гэсэн ханыг хүссэн хүсээгүй давж гарах шаардлагатай тулгарч магадгүй байна.
Учир нь Н.Энхбаярын “оймсны хүүхдүүд” хэмээн адлагддаг ч Байнгын хороо, чуулганы нэгдсэн хуралдаанаас завсарлага авах бүрэн эрх “Шударга ёс” эвслийн халаасанд яваа. Хугацаа тулсан энэ үед хоёр том нам нь хамтарч сонгуулийн зургийг өөрсдийнхөөр зурагласан ч “Шударга ёс” эвслийнхэн ажлын тав хоногийн завсарлага авсан тохиолдолд тэдний төлөвлөгөө бүхэлдээ нуран унана гэсэн үг. Нөхцөл байдлыг ингэж эргүүлэхгүйн тулд АН, МАН-ынхан эвслийн бүлгийн санал болгож буй нэмэлт өөрчлөлтөөс заримыг нь оруулж буулт хийж таараа. Ингэхгүй байж гэмээн Н.Энхбаярыг Ч.Сайханбилэгийн танхимд Шадар сайдаар залрах замд хэн хэн нь хаалт хийхгүй байх барьцааг эвслийн бүлгээс сөргүүлэн тавьж болох. Нэг үгээр хэлбэл, Сонгуулийн хуулийг эцэслэх хугацаа нь тулсан энэ үед парламентад суудалгүй намууд гэхээсээ Н.Энхбаяр, “Шударга ёс” эвсэл АН, МАН-д хамгийн том саад болж мэдэхээр байна.
Магадгүй Н.Энхбаярын энэ оны сүүлчийн улс төр нь Сонгуулийн хуулийг гацаах эс бөгөөс өөрөө Шадар сайд болох замаа засуулах байх бололтой. Угаасаа намын даргынхаа харцаар хөдөлж, хэлсэн үгээр нь улс төр хийдэг нь Эвслийн бүлгийн гэм биш зан. Энэ бүхний тайлал эвслийн бүлгийн нүүдэл, Н.Энхбаярын сүүлчийн улс төр юу байх нь өнөөдөр тодорхой болно.
С.ГАНДӨЛ
/ҮНДЭСНИЙ ШУУДАН/
Зочин · 2015/12/25
Орчин үеийн улс нийгмийг авч явах хамгийн дэлгэрсэн, өнөөгийн нөхцөл байдалд хамгийн шилдэг арга нь улс төрийн намын тогтолцоо юм. Үүнээс сайн тогтолцоо өнөөдөртөө алга. Улс төрийн намгүй, намын оролцоогүйгээр сонгууль хийдэг Номхон далайн жижиг арлууд хүн ам нь 20 мянгын дотор багтдаг. Бүгдээрээ биенээ сайн таньдаг ийм газар. Хүний нийгэм нь сүргийн бүтэцтэй ба дотроо мөнхийн хагарал талцалтай явж ирсэн. Нутаг хошуу, гарал үүсэл, шашин, бэл бэнчин, удам угсаа, үзэл бодол гээд талцлын шалтгаан тоолж баршгүй. Улс төрийн нам нь төрийн сонгуулийг зохион байгуулдаг, төрд ажиллах боловсон хүчнийг бэлдэж өгдөг гол субъект болон өргөждөг. Хүмүүс ч өөрийн төрийг сонгон буй болгохдоо шашнаар биш, хамаатан саднаараа биш, нутаг хошуугаараа биш, гагцхүү улс төрийн үзэл бодол, мэдрэмжээрээ талцан хүч хэрэглэлгүйгээр шалгаруулдаг. Өнөөдөр бид сонгуулийн ардчилалтай болсон. Энэ нь төрийн эрхийн төлөө олон намууд өрсөлдөн хүн амын олонхийн саналыг авсан нь тодорхой өгөгдсөн хугацаанд төрийн эрхий
Зочин · 2015/12/25
¯íýíèéã ë áè÷ñýí áàéíà. Ãýõäýý àëü íýã íàì ººðñäèéí ýðõ àøèãò íèéö¿¿ëíý ãýäýã òèéì ÷ àìàð áèø õàðüöàíãóé îéëãîëò ÿëàãäàãñäûí ìàòðûí íóëèìñ þì. Åð Í.Ýíõáàÿðûã òºðººñ øàõíà ãýäýã ÷ óòãàã¿é. Òýðýýð ýðãýæ îðîõ ë áîëíî. Õàðèí Ýíõáàÿð ìààíü õóó÷èí øèãýý ýð¿¿ãèéí áèø ãýõýä ¸ñ ñóðòõóóíààð á¿¿ àëäààñàé...
....
шаабар · 2015/12/25
Хоёр см боов гэж үүнийг хэлдэгв Тээр жил Баабар энэ шог зүйрлэлийг гаргаж билээ. Тэр үед АХЭ дангаараа 50 гишүүнтэй мөртлөө асуудал болгон дээр 1 санал дутаж тэр ганц саналаар шийдэгддэг эсвэл унадаг байсан юм. Одоо МАХН тэр см ээр тоглож байх шив дээ. Магад ч үгүй Энхбаяр Зоригийн хэргийн талаар тодорхой баримтыг мэдэж байгаа нь түүнд хөзөр атгуулсан ч байхыг үгүйсгэхгүй. Чадаж байгаа юманд арга байхгүй гэж.