“Скай Медиа” төхөөрөмжийн удирдлагаа 55 мянган төгрөгөөр шахаж хэрэглэгчдийг хохироож байна
2016/01/26
Интернетийн компаниудын талаарх иргэдийн гомдол тасрахгүй байна. Тодруулбал өнгөрсөн долоо хоногт “Юнивишн” маш өндөр үнэтэй бөгөөд интернэтийн хурд муу зэрэг нэлээд шүүмжлэлд өртсөн билээ. Юнителийн охин компани болох Юнивишн нь Монголд анх удаа Iptv, Интернэт, Суурин утсыг хослуулан, гурвалсан үйлчилгээг нэвтрүүлэгч гэдгээрээ хэрэглэгчдийг татаж чадсан ч бизнес нь хөл дээрээ зогссоны дараагаар ийнхүү хэрэглэгчидийн эрх ашгийг бодохоо больсон юм.
Юнивишний нэр хүнд цахим ертөнцөөр “навс” унаж байх зуурт “Скай Медиа” компани овсгоотойгоор компанийхаа үнэгүй Пи-Арыг хийж, чамгүй хэрэглэгчийг татжээ. Гэхдээ тэд дахин шинэ тоног төхөөрөмж оруулж, ирэх нэрийдлээр хуучин хэрэглэгчидээ мөн л хохироож байгаа юм байна. Өөрөөр хэлбэл одоогоор айлуудад суурилуулсан байгаа төхөөрөмжнийх нь удирдлага амархан эвдэрдэг аж. Танай удирдлага амархан эвдэрчихээд байх юм. Хаанаас худалдаж авах вэ гэсэн хэрэглэгчийн асуултанд Скай Медиагийн оператор ингэж хариулжээ “Өмнө зарагдаж байсан төхөөрөмжийн удирдлага нөөц дууссан. Шинэ төхөөрөмж худалдаж авах хэрэгтэй. Шинэ төхөөрөмжийн үнэ 55 мянга” гэжээ.
Төхөөрөмжийн удирдлага эвдэрсэн тохиолдолд Скай медиаг ашиглах боломжгүй учир запас удирдлага байхгүйн төлөө хэрэглэгч дахин шинэ төхөөрөмж авах ёстой болох юм байна. Аливаа тоног төхөөрөмж, машин техник, цахилгаан хэрэгсэл үйлдвэрлэж, худалдаалж буй компаниуд түүний сэлбэг болон дагалдах жижиг хэрэгслийг заавал үйлдвэрлэж, зөөж зах зээлд нийлүүлэх хууль дүрэм бий.
Уг нь өнгөрсөн жил Скай медиагийн удирдлага зарагдаж байсан ч өнөө жил ийнхүү “зарахгүй, байхгүй” хэмээн хэрэглэгчдийг зовоож байгаа юм байна. Тиймээс хямралын үед илүү ашиг олох арга мэх хайж, иргэдийг хохироож байж болзошгүй “Скай Медиа”-г Шударга өрсөлдөөн хэрэглэгчийн төлөө газар болон холбогдох газрууд анхааралдаа авах биз ээ.
Н.Ганаа
Зочин · 2016/07/04
зарагдаж байна лээ
Зочин · 2016/01/28
Удирдлага нь их хэврэг юм байна лээ Зүгээр байж байгаад резинэн товчлуур нь уначихсан. Удирдлагаа яагаад дангаар нь зарчихаж болдоггүй юм бэ? Хямралтай зэрэгцээд хүн шулаад байхийн
Зочин · 2016/01/28
hereglegchee shulahaa boli
Зочин · 2016/01/27
Удирдлага нь үнэхээр муу амархан эвдэрдэг шдээ дангаараа 20000 гэж байсан одоо зарахгүй болчихжээ
Зочин · 2016/01/27
Shine udirdlaga shineer avalgui oor shine Provider songoh heregtei, negent l mongo zarah yum chini. ingeed baival iimerhuu luivar hiihee bolino.
Зочин · 2016/01/27
udirlaga zarna shuu
Зочин · 2016/01/27
Яанаа ганц удирдлагаа гамтай эдлэхгүй бол бас шахаанд ороод авахаас өөр аргагүй болох нь ээ. Дараа нь бас шинэ юм оруулж ирээд ав гэх юм байна л паа
зори · 2016/01/26
яасан ч аэцүү юм дээ. зөвхөн мөнгө л бодсон компанууд байх юм. мөнгий нь төлж байгаа хэрэглэгчдийнхээ эрх ашгийг жаахан ч гэсэн бодолцож болохгүй юм байх даа.аль нь ч дээр юм дээ. 55000 аар скаймедиа тавиулчихсан чинь дахиад 55000 гэвэл бас хэцүү юм аа
Зочин · 2016/01/26
шинэ оруулж ирсэн юмаа зарах гээд бна уу заваан гарууд