Ерөнхийлөгч Ц.Элбэгдорж өнөөдөр нүүрном, жиргээчдийн төлөөлөлтэй уулзалт хийж, өөртэй нь холбогдсон зарим асуудалд хариулт өгсөн юм.

Тухайлбал сүүлийн үед нийгмийн анхаарлын төвд ороод буй Мүүний шашны асуудлаар, "Мүүн гэдэг хүн үхсэн. Монголчууд хоорондоо хагаралдах хэрэггүй. Мүүнээр хийсэн нэвтрүүлгийг би үзсэн. Муу юм гэж бодож байгаа бол бушуухан сэтгэлээсээ авч хая. Монголын төр иргэнээ хамгаална. Бид иргэдийнхээ талд зогсоно. Монголчууд өөрсдийн шүтээнтэй, би өөрийн эх оронтой, аав, ээжтэй, шүтээнтэй хүн. Мүүнтэй гар бариад Мүүн болох юм уу. Би Ерөнхийлөгч болоод тэр хүнтэй уулзаагүй. Өмнө нь түүнтэй уулзсан. Та нэг уулзаад өгөөч гэхэд нь уулзаж гар барьсан. Өнөөдөр нэг зураг барьж байгаад хэнийг ч юу ч гэж хэлж болно. Та нар зураг аваад сууж байна. Үүнийгээ эвлүүлээд юу ч гэж хэлж болно биз дээ" хэмээсэн юм

Тэгвэл Ерөнхийлөгч Ц.Элбэгдоржийн хэлсэн дээрх үгтэй холбогдуулж иргэн Цэрэндолгор фэйсбүүк хуудастаа дараах байр суурийг илэрхийлжээ.

Элбэгдoрж Сантай

Тэр сан руу хаанаас мөнгө орж ирдгээ тайлагнах, Яагаад бүхнийг үгүйсгэн үл мэдэгч царайлж буйгаа, Харвардад хэний зардлаар сурсанаа, бие чилээрхэхээр Солонгосын ямар эмнэлэгт хэвтдэг, өчнөөн олон хүүхэд хэний зардлаар ямар санаатай өсгөдөг, боловсролыг яагаад Мүүнийхэнд задгай тависан, Сонгуулийн мөнгөө хаанаас хэдийг ямар өртэй босгосон, Тагнуулыг яагаад өөрөөсөө шууд хамааралтай болгосон, хэнийг хамгаалж хэнийг шоронд хийдгээ, Мүүн үхсэн ч яагаад том хүүтэй нь ах дүү мэт байдаг зэрэг маш олон асуултанд хариулах болно.

Ирээдүй чин өнөөдөр шиг байхгуй болно. Та бол Монголын түүхэнд хамгийн бузар үйлдлыг өөгшүүлсэн, Үндэсний аюулгуй байдлыг үгүй хийсэн нүгэлтэн хүн. Ингэж хэллээ гээд намайг шорондоо хорь л доо.

2016.03.24