“Аз жаргалтай Улаанбаатар” цэнгүүнийг нийслэлийн засаг даргын тамгын газраас зохион байгуулж, уг цэнгүүний үеэр дуучин С.Амармандах ОХУ-н элчин сайдын яамны дипломат ажилтанд зодуулсан хэрэг гараад 10 гаруй хонож байна.

Үнэндээ энэ нь нийслэлийн захиргааныхан ямар ажил хийж, хэрхэн аж төрж байгааг илчилсэн үйл явдал болсон. Эдийн засаг хямралтай, иргэдийн амьдрал амжиргаа хүндхэн байгаа агаарын бохирдол гамшгийн хэмжээнд хүрчихсэн. Мөн манай улс элэг, зүрх судасны өвчлөлөөр дэлхийд тэргүүлж, агаарын бохирдолоос үүдсэн эх, хүүхдийн эндэгдэл их болж, энэ эх орны ирээдүй болсон хүүхдүүдээ хотын утаанд хордоод олон төрлийн эдгэшгүй өвчтэй болсоор байгаа. Гэтэл нийслэлийн засаг даргын тамгын газарынхан “Аз жаргалтай Улаанбаатар” нэрийн дор олон арга хэмжээ зохион байгуулж байгаагийн нэг нь дуучин С.Амрааг зовоосон “Аз жаргалтай Улаанбаатар” байлаа.

Яг үнэндээ хотынхны амьдрал хэцүү байгаа. Харин энэ сонгуульд ялалт байгуулсан МАН-ынхан л албан тушаал наймаалцаж, ашиг хонжоо хайж, төрийн эрх мэдлийг авсан гараараа дуртай ажлаа хийж аз жаргалд умбасан байгаа энэ байх. Өөрсдийнхөө аз жаргалын тухай ярих гэж байгаа бол өөрийгөө ярь, та нарын аз жаргал иргэдэд аз жаргал биш, зовлон болж ирж байна. Гаднаас ирсэн нэгэн хэрцгий этгээд монголын нэр төртэй иргэнийг үхлүүт байдалд ортол нь зодчихдог, хувийнхаа бизнесийг цэцэглүүлэхээр арга хэмжээ зохион байгуулсан МАН-ынхан буюу Ц.Сандуй нар "бид уригдаж очсон, ийм арга хэмжээг төрийн бус байгууллага зохион байгуулсан” хэмээн увиагүйгээр, өөрсдийгөө өмөөрч  худал хэлж байна.

Улаанбаатарынхан хэзээ хаана аз жаргалд умбаад байгааг иргэд ойлгохгүй байна. Нэг талаараа нийслэлийн дарга нар хотын иргэдээ доромжлоод ч байгаа юм шиг уулзалт цэнгүүн, уралдаан тэмцээн бүрээ “Аз жаргалтай Улаанбаатар” гэж нэрлэх юм.

Үнэхээр тийм бол ямар төрийн бус байгууллага "Аз жаргалтай Улаанбаатар" гэх цэнгүүнийг зохион байгуулсан, хөрөнгө мөнгө нь хэнээс хаанаас гарсан, утга агуулга зорилго нь юу байсан талаар олон нийтэд ил тод зарлаж, хөрөнгө мөнгөний тайланг гаргаж  Хотын дарга Су.Батболд оо.  Дашрамд дурдахад хийлч Дээгий Су.Батболд, Сандуй нартай С.Амармандахтай нэг ширээд сууж байжээ.

Тодруулбал тэдний ширээн дээр С.Амармандахын малгай байна.  Амармандахыг урьж дуулуулаад, хүнд зодуулчихсан тэр хүмүүс одоо юу бодож байгаа бол. С.Амармандахын тархинд нь цус хурсан, нүр ам толгой харахын эцэсгүй, ухаан санаа нь орж гарсан байдалтай хэвтэрт бий шүү дээ. Түүнийг олон улсын BBC агентлаг хүртэл онцолсон байна. Олон улсын хэвлэлд Монголын увиагүй дарга нарын утгагүй тансаглал ил боллоо.

Угаас Су.Батболд Ц.Сандуй нарыг иргэд хагас жил харлаа. Хотыг авч явах сэтгэл чадвар байхгүйгээ харууллаа. Одоо огцор  

Г.Наран

zaluu.mn