Бид хэзээ шинэлэх вэ
2017/01/03
Монголчууд ихэнх дээ Л.Тэрбишийн зурхайгаар зам мөрөө гаргаж, шинэлсээр ирсэн. Тэгвэл М.Намсрай зурхайчийн тайлбарт анхаарлаа хандуулаад үзье. Тэрээр "Монголчууд бид цагаан сараа 1807-2016 оны хооронд 209 удаа тэмдэглэхдээ 134 удаа буруу, 75 удаа зөв өдөр шинэллээ. Түвдийн зурхайгаар цагаан сараа тэмдэглэвэл 2016-2046 хооронд дахиад 23 удаа буруу шинэлэхээр байна. Шинэлэх ёсоо буруу өдөр товлосноос болж тухайн зөрүүтэй өдрүүдэд мэндэлсэн хүүхдүүд амьдралынхаа туршид буруу жилтэй, буруу төөрөгтэй амьдарна. Төгс буянт зурхайнхан энэ жилийн цагаан сарын сарын хоёрдугаар сарын 28-нд эхэлнэ гэж үзэж байгаа нь буруу. Монголчууд цагаан сараа нэгдүгээр сарын 28-нд тэмдэглэх нь зүйтэй" хэмээн тайлбарласан байна.
Мөн "Хубилай хааны "Цагийг мэдээлэх зурхай" буюу Монгол шар зурхай бол байгаль хүн хоёрын дээд зохицлыг маш сайн тооцсон, Монгол төрийн сонгодог зурхай. Гол нь байгаль дэлхийн аяг, араншинг үндэслэж, цагаан сар нэгдүгээр сарын 28-нд эхлэх нь зүйтэй гэж үзэж байна. Ер нь нэгдүгээр сарын 20-оос цаг агаар уярчихна” гэжээ.
Зарим жил бууз хөлдөхгүй, дов толгод харлачихсан байх үед шинэлж байсан тохиолдлууд бий. М.Намсрай гуайн тайлбараар бол энэ жил бууз хөлдөхгүй дулаарсан үед л шинэлэх гээд байгаа бололтой юм. Хятад, Солонгос зэрэг улсууд Монголтой адил цагаан сарын баярыг тэмдэглэдэг. Тэдгээр улсууд нэгдүгээр сарын 28-нд цагаан сарын баяраа тэмдэглэнэ. Харин Монгол Улс сарын дараа буюу хоёрдугаар сарын 28-нд тэмдэглэхээр байна. Энэ эргэлзээг хэн тайлж, хэзээ шинэлэх нь зөв бэ гэдэгт хэн албан ёсны тайлбар өгөх вэ. Түрүү жил хоёрдугаар сарын 19-нд шинэлэж байж. Билгийн тооллоор нэгдүгээр сард шинэлэх нь зөв ч юм шиг. Гэвч яг баталгаатай тайлбар, мэдээллийг зурхайчид маань өгөхгүй байгаа нь харамсалтай.
Үндэстэн агентлаг
Зочин · 2017/01/03
1-р сарын 28-нд шинэлэх зөв шүү. таминь ээ
Зочин · 2017/01/03
Шашны зурхайгаар биш байгалынхаа цаг мөчөөр л явъя л даа.
Яасан төвөгтэй юм бэ.
Зочин · 2017/01/03
1-р сарын 28-нд цагаалах нь зөв юм шиг. Дэлхий чинь нэг л сартай биз дээ. Тэр цагаан сарын өдрийг чинь дэлхийн одон орны байгуулага олон зуун жилээр урьдчилаад бодоод гаргачихсан байгаа шүү дээ.
Шарын шашны мунхарлаар явахаа болих хэрэгтэй
Зочин · 2017/01/03
Тэрбиш гэдэг тэнэгийг төрөл арилжахаас нааш Монголчууд буруу цаг үед шинэлсээр байх болж байна уу.
Нэг дэлхий дээр нэг өргөрөг, нэг уртрагт амьдарч байж өөр өдөр цагаална гэдэг чинь бидний тэнэг, мугуйдийнх би үү
zochin · 2017/01/03
uls oron dampuurchaad bna ene jildee tsagaan saraa boliod harin ulsdaa ail bolgon 300000 myangan tugrug uguul yasiin bid ingej l ediin zasagaa sergeej chadna shu de
Зочин · 2017/01/03
yagaad busadtaigaa tsug temdeglej boldgui yum be ter sar chini ug ni gantshan l bizdee
Зочин · 2017/01/03
Энэнд тусгаар тогтнол ямар хамаатая юм бэ тусгаар тогтнол нэрээр халхавч хийж дандаа буруу шинэлээд байх уу хятад солонгос ветнам япон бүгд нэг өдөр шинэлээд байна аль аль нь тусгаар тогтнолоо алдсан юм алга харин ч бүр хөгжөөд байна Харин төвд монгол 2 хөгжсөн юм алга тэгэхээр буруу шинэлээд байна гэсэн үг
шаабар · 2017/01/03
Олон удаа тайлбарласан юм билээ. Бууз хөлдөх гэсэх гэхээсээ илүүтэй Монгол Улсын тусгаар тогтнолын баталгаа болсон Төгсбуянтын зурхайг баримтлах нь зөв мэт. Чой хамбаас эхлээд маш сайн тайлбарласан даа. Монголчууд бид заавал Хятад Солонгосыг дуурайх албагүй л гэж бодож байна. Ерөнхийлөгч зарлиг гаргаад л албан ёсоор энэ өдөр гээд шийдчихмээр юм даа. Нэг өдөр тогтчихвол хэн хэндээ амар. Тэгэхгүй бол хоёр удаа шинэлэх болчихоод байна шүү. Эдийн засаг хямралтай үед иргэддээ дарамтгүйгээр зохицуулж болдоггүй юм байх даа манай төр засаг. Эзэнгүй улс шиг л загнацгаах юм.
зочин · 2017/01/03
Үнэхээр шийдээд өгөөч ээ. Уул нь Намсрай гэдэг хүн зөв яриад байгаа юм шиг санагдах юм. Өнгөрсөн жилүүдэд Тэрбишийн зурхайгаар явахад шинийн 2-ны сар өөр өдрүүдэд гардаг байсан шүү.