2017.03.08 / БИЛГИЙН ТООЛЛЫН 11

ХАВРЫН ТЭРГҮҮН ХАР БАР САРЫН ДОЛООН УЛААН МЭНГЭТЭЙ ХӨХ МОРЬ ӨДӨР

Үс засуулбал: Эрхтэн хурц болно.

Наран ургах, шингэх: 07.20-18.45

Барилдлага: Үл зохилдох

Шүтэн барилдлага: Төрөхүй

Суудал: Мод

Аргын тооллын 3 сарын 8, Буд гараг. Билгийн тооллын 11, Өглөгт охин одтой, хөх морь өдөр. Өдрийн наран 7 цаг 20 минутад мандан, 18 цаг 45 минутад жаргана.

Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу.

Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.