Өмнөд Солонгосын Тэгү хотын цагдаагийн газраас тус хотын нутаг дэвсгэр дээр санаатайгаар хэд хэдэн удаа хулгайн гэмт хэрэг үйлдсэн монгол эмэгтэйчүүдийг баривчилжээ.

 

Хэргийг шалгаж байгаа цагдаагийн газраас  "Монгол улсын иргэн 42 настай эмэгтэй Б, 47 настай эмэгтэй А нар нь Солонгос улсад аялал жуулчлалын ангиллын гурван сарын хугацаатай визтэй ирцгээсэн. Тэдний гурван сарын визний хугацаа дуусч, эх орондоо буцахаар цаг нь болоход Тэгү хотын худалдаа үйлчилгээний гудамжаар сэлгүүцэж, барааны болон хүнсний дэлгүүрүүдээс санаатайгаар, бүлэглэн хулгайн гэмт хэрэг үйлдсэн" гэх мэдээллийг өгсөн байна.

 

Хяналтын камеруудын тусламжтайгаар монгол эмэгтэйчүүдийг баривчилжээ. Тэд 10-н удаагийн үйлдлээр хоёр сая вон буюу дөрвөн сая орчим төгрөгийн эд зүйлс хулгайлсныг илрүүлжээ. Сэжигтэнүүдийг цагдаагийн газар түр саатуулан шалгаж байгаа юм байна. Тэд мэдүүлэхдээ эдгээр зүйлсийг гэртээ очоод хэрэглэх гэж байсан гэжээ.