Өнөөдөр цахим орчинд "Нэг хужаа эмэгтэй Монгол жоохон 3 охиныг хулгайлцан явж байгаад сая Тэди төвөөс баригдлаа. Ёстой аймшигтай юмаа. Нэг охин нь утас үзэж байсан эгчид " эгчээ бид нарыг хулгайлчихлаа авраарай , машинд ахиад зөндөө хүүхэд байгаа " гээд тэгээд тэр эгч нь цагдаа дуудаад одоо Чингэлтэй дүүргийн цагдаа дээр байна. Ээжүүдэээ. Хүүхдүүдээ заавал өөрсдөө сургуулиас нь очиж авч байгаарай" гэсэн мэдээлэл тарсан. 

Энэ мэдээллийн талаар цагдаагийн байгууллагаас тодруулахад "Шалгаж байна. Эргэж мэдээлэх болно" гэв. 

Одоогоор гурван сурагчийн эцэг эхийг дуудсан бөгөөд хэргийг Чингэлтэй дүүргийн цагдаагийн хэлтэст шалгаж эхлээд байна. 

Эх сурвалжийн мэдээлж байгаагаар "Нийслэлд, цагаан байрны орчимд амьдардаг хятад хүүхэн хүүхдүүдийг авч явсан. Тэрбээр 57-р сургуулийн 3-р ангийн 3 хүүхдэд "Бүгдээрээ хамт явъя"  гэж хэлээд дагуулж явсан байна. 

Тиймээс эцэг эхчүүд хүүхдэдээ танихгүй хүн дагаж явахгүй байх, шаардлагатай үед зугтах, багш сургуулийн ажилтанд мэдэгдэх зэрэг арга хэмжээ авахыг зааж өгнө үү.