Монгол Улсад эрчим хүчний салбар үүсч хөгжсөний түүхт 95 жилийн ойд зориулсан Улс, аймгийн алдар цолтой 256 бөхийн барилдаан боллоо. Барилдаанд Архангай аймгийн Булган сумын харьяат, Алдар спорт хороо, Алтан Дорнод Монгол ХХК, Бөхбилэгт дэвжээний бөх, улсын арслан Р.Пүрэвдагва 8 даван түрүүлж, Увс аймгийн Давст сумын харьяат, Алдар СХ, ТЭЦ-4 ТӨХК, Гачуурт ХХК, Увснуур дэвжээний бөх, улсын арслан П.Бүрэнтөгс үзүүрлэв.

Их шөвөгт Архангай аймгийн Хашаат сумын харьяат, Алдар СХ, Ажнай групп, Бөхбилэгт дэвжээний бөх, улсын аварга Ч.Санжаадамба, Дундговь аймгийн Эрдэнэдалай сумын харьяат, Алдар СХ, Мон-Уран ХХК, Түшээт ханы аварга дэвжээний бөх, улсын начин Э.Даш нар шалгарав.