Шорон гэхээр таньд ямар дүр зураг бууж байна? Харин Норвеги улсад таны төсөөлснөөс хэтэрхий тансаг шорон байдаг гэвэл итгэх үү? Тус улсын шоронг дэлхий дахинд хамгийн "Хүмүүнлэг" хорих газар хэмээн нэрлэдэг бөгөөд нийтдээ 10 жилийн хугацаанд 252 сая ам долларын өртөгөөр баригджээ. 2010 оны 3 сарын 1-нд анхны хоригдлуудаа хүлээн авч байсан тус хорих байр 252 хоригдлыг байршуулдаг байна. Эдгээр хоригдлуудад бүх төрлийн хоол хүнс үнэгүй бөгөөд спортоор хичээллэх өрөө, дууны студид дуугаа бичүүлэх, зүлэг ногоо тарих, гал тогоондоо хоолоо хийж идэх, зэрэг бүх эрх нь нээлттэй байдаг ажээ. Тэр ч байтугай халуун рашаан хүртэл байдаг гэнэ. Харгалзагч нарын хувьд ихэнх нь эмэгтэй харгалзагч нар байх бөгөөд тэд биедээ буу авч явдаггүй байна. 

Эх сурвалж: Seen.mn