Японы мэргэжлийн сүмо бөхөд монгол сүмочид дээд амжилт тогтоож байгаа. Мэргэжлийн сүмод бахдам амжилт гаргасан Хакүхог онцлохгүй байхын аргагүй. Түүний тогтоосон амжилтыг ойрын 30 жилд хэн ч эвдэх боломжгүй гэж сүмогийн мэргэжилтнүүд онцолж байна.

Хакүхо аварга одоогийн байдлаар 13 удаа 15-0 буюу нэг ч ялагдалгүй түрүүлсэн тоогоор тэргүүлж байна. Сүмогийн түүхэнд долоон башё дараалан түрүүлсэн хоёрхон тохиолдол байдаг бөгөөд хоёулаа монгол бөхийн тогтоосон амжилт юм. Үүнээс гадна сүмогийн 70 дахь аварга Харүмафүжигийн үйлдлийг зүй ёсоор онцолж байна. Японы хэвлэлүүд ч түүний хэргийг оны онцлох үйл явдалд багтаажээ. Нутаг нэгт сүмоч Такаиновагийн тархинд хүнд гэмтэл учруулсан тэрбээр сүмогоос зодог тайлж буйгаа албан ёсоор илэрхийлсэн. Энэ нь түүний хөгжөөн дэмжигчдэд хүнд цохилт болсон юм. Дашрамд сонирхуулахад, уржигдар Харүмафүжигүй банцүкэ гарсан. Тэр зодог тайлснаар дөрвөн ёкозүнагийн үе дуусав.