Хууль зүйн сайд Х.Тэмүүжин анх гарч ирэхдээ л цагдаагийнханд дургүй гэдгээ илэрхийлж байсан удаатай. Гэхдээ үүнийгээ дараа нь цайруулаад л өнгөрсөн. 

Мань хүн энэ салбарыг толгойлох болсноос эхлээд л цагдаагийн байгууллага руу заналтайхан шиг давшилж, хүчийг нь улам сулруулж, зүгээр л "цэвэрлэгч" болгох гэж улайрах болсон гэдэгтэй маргах хүн нээх олон гарахгүй биз ээ. Ямартай ч өөрийн хүссэн зүйлээ хийхийн тулд хуулиудаа батлуулаад авсан тэрээр шинэчлэлээ хийхээр зүтгэж байгаа. Х.Тэмүүжинг хүссэнээрээ хөдлөхөд ганц тээг байгаа нь ЦЕГ-ын дарга Б.Билэгт. Энэ салбарыг ганцаараа эзэгнэж, өөрийн болгож, аясаараа хөдөлгөөх гэсэн түүний хүсэлт нь санаачилсан хуулиудаас нь нэлээн цухалздаг. Гэхдээ түүнийг санаагаа амархан хэрэгжүүлэхэд Б.Билэгт "бул хар чулуу" болж буй.

Урьжигдар ЦЕГ-ын дарга Б.Билэгт, Хууль зүйн сайд Х.Тэмүүжин нар гар зөрүүлээд авсан тухай шуум тарлаа. Тэдний зодооныг нэр бүхий хүмүүс зогсоосон байна. Хэрвээ тухайн хүмүүс байгаагүй бол тэд ч нэлээдгүй үзэлцэх байсан бололтой. Сайд цагдаагийн байгууллагын шинэчлэлийн хүрээнд өөрийн хүмүүсийг шургуулах гэсэн томилгооны асуудлаас болж энэ хоёр хүний дунд зодоон үүссэн бололтой юм билээ

Н.Батаа