Ерөнхий сайд У.Хүрэлсүх өөрийн хүсэлтээр огцрох өргөдлөө 48 цагийн дотор өргөн барихгүй бол Засгийн газрыг огцруулах бичигт гишүүдийн гарын үсгийг цуглуулна гэдгээ УИХ-ын гишүүн Н.Номтойбаяр мэдэгдээд байгаа.

Тэгвэл 48 цагийн хугацаа нь өчигдөр дууссан бөгөөд уг асуудлаар УИХ-ын гишүүн Н.Номтойбаяр, "Хэдхэн хоногийн өмнө Ерөнхий сайд У.Хүрэлсүх ЖДҮХС-тай холбогдсон талаар мэдээлэл хийсэн. Хөрөнгийн эх үүсвэрээ нотлох шаардлага тавьсан. Шаардсан хугацаа болох 48 цаг өчигдөр дууссан. У.Хүрэлсүхийг Ерөнхий сайдаар ажиллах ёс зүй, хуулийн боломжгүй гэж үзэж байгаа учраас уг ажлыг эхлүүлсэн. Албан ёсны мэдээллийг даваа гаригт хийж, нэмэлт мэдээллүүд өгнө. Эхлүүлээд явж байна гэдэг нь хуулийн хүрээнд албан бичгээ боловсруулна, үүнийгээ нотолно гэсэн үг." гэжээ.