Ардчилал Шинэчлэлийн Нам /АШН/-ыг улсын бүртгэлд бүртгүүлэх тухай Э.Бямбацэрэн нарын хүсэлтийг Улсын Дээд шүүх өнөөдөр хэлэлцжээ.
Хүсэлт гаргагчаас ирүүлсэн баримт болон намын дүрэм, мөрийн хөтөлбөр нь Үндсэн хууль, Улс төрийн намын тухай хууль болон бусад хуульд нийцсэн гэж Дээд шүүх үзэж, уг намыг улсын бүртгэлд бүртгэж, гэрчилгээ олгохоор шийдвэрлэсэн байна.


Ингэснээр Ардчилал шинэчлэлийн нам нь Монгол Улсад улс төрийн үйл ажиллагаа явуулах эрхтэй болж байгаа бөгөөд Үндсэн хууль, Улс төрийн намын тухай хууль болон бусад хуульд нийцүүлж үйл ажиллагаагаа явуулахыг Дээд шүүх даалгажээ.
Ардчилал шинэчлэлийн нам нь улсын бүртгэлд бүртгэлтэй 36 дахь нам болж байгаа юм.


Уг намын үүсгэн байгуулагч Э.Бямбацэрэн нь Ардчилсан намын Шинэчлэлийн хөдөлгөөний удирдлагын нэг юм.
Эх сурвалжуудын өгүүлж буйгаар уг намын "нууц ноёнтон" нь Н.Алтанхуяг бөгөөд намаа бүртгүүлтлээ олны өмнө ил гарахгүй гэж шийдсэн байжээ.


Э.Мягмар

sonin.mn