Улсын бүртгэлийн байгууллага “Цахим гарын үсгийн тухай” хуулийн дагуу Монгол Улсын 16 нас хүрсэн иргэн бүрт 2022 оны тавдугаар сараас “Тоон гарын үсэг” олгож эхэлсэн.

Иргэд иргэний үнэмлэх, гар утасны аппликейшн болон улсын бүртгэлийн киоск машинаас тоон гарын үсгээ авах боломжийг бүрдүүлсэн байна.

Мөн Хаан болон Голомт банктай хамтран ажиллаж, банкны АТМ ашиглан иргэдэд тоон гарын үсэг олгож байгаа юм.

Өнөөдрийн байдлаар 1 сая 100 орчим мянган иргэнд тоон гарын үсэг олгожээ.